بۇرسا: تۋريزم مەن سپورت سامميتٸ
بۇرسا قالاسىنا تٷركٸ ەلدەرٸنەن جينالعان جۋرناليستەر قاۋىمى «سپورتتا زورلىق-زومبىلىققا جول جوق» دەگەن تاقىرىپتا تۋريزم جەنە سپورت سامميتٸن ٶتكٸزدٸ.
انادولى سپورت جۋرناليستەرٸ اسسوتسياتسيياسىنىڭ ۇيىمداستىرۋىمەن بولعان بۇل شاراعا قازاقستاننان دا باق ٶكٸلدەرٸ قاتىستى.
سامميتكە قازاقستانمەن بٸرگە تٷركييا, قىرعىزستان, ەزٸربايجان, تٷركٸمەنستان, رەسەي, بەلگييا, گەرمانييا, فرانتسييا تب ەلدەردٸڭ بۇقارالىق اقپارات قۇرالدارىنىڭ ٶكٸلدەرٸ قاتىستى.
حانچەرلي مەدرەسەسٸ مەدەنيەت ورتالىعىندا بولعان سامميتكە بۇرسا قالاسىنىڭ ەكٸمٸ الينۇر اكتاش, يىلدىرىم اۋدانىنىڭ ەكٸمٸ يسمايل حاككى, نيليۋفەر اۋدانى ەكٸمٸنٸڭ ورىنباسارى فىرات ەميروعلۇ, ساۋدا بيرجاسىنىڭ مەجٸلٸس باسشىسى مەحمەت ايدىن قاتىستى. رەسمي بيلٸك ٶكٸلدەرٸنە بٸز تٷركٸتٸلدەس جۋرناليستەر قورى اتىنان شاپان جاۋىپ, قازاقتىڭ ۇلتتىق قۇندىلىعى — دومبىرانى سىيعا تارتتىق.
شاپان مەن دومبىراعا ريزا بولعان بۇرسا قالاسىنىڭ ەكٸمٸ مۇنداي سىيلىقتى العاش رەت العانىن جەنە جۇمىس كابينەتٸنٸڭ ەڭ سىيلى جەرٸنە ورنالاستىراتىنىن ايتىپ, العىسىن بٸلدٸردٸ.
تۋريزم جەنە سپورت سامميتٸ ٷش وتىرىستى قامتىدى. العاشقى وتىرىستا قاتىسۋشىلار «سپورتتا زورلىق-زومبىلىق پەن تەرتٸپسٸزدٸكتٸڭ الدىن الۋ» دەگەن مەسەلەنٸ تالقىعا سالدى. ۇلىداع ۋنيۆەرسيتەتٸ سپورت فاكۋلتەتٸنٸڭ پروفەسسورلارى سٷلەيمان شاحين مەن ەركۋت تۋتكۋن, مانيساداعى دجەلال بايار ۋنيۆەرسيتەتٸ سپورت فاكۋلتەتٸنٸڭ پروفەسسورى رەدجەپ دجەنگيز سپورتتاعى زورلىق-زومبىلىقتىڭ الدىن الۋ شارتتارى وتباسىنداعى تەربيەدەن باستالاتىنىن, مەكتەپتەردە بٸلٸم بەرۋ بارىسىندا وقىتۋشىلار تاراپىنان بالالار مەن جاستارعا قوقان-لوققى, زورلىق-زومبىلىق, قييانات جاساۋدىڭ ادامي قاعيدالارعا جاتپايتىنىن ٷيرەتۋ كەرەكتٸگٸنە توقتالدى.
ەكٸنشٸ وتىرىستا «سپورت باسىلىمدارىندا كٶتەرٸلگەن مەسەلەلەردٸڭ قۇزىرلى ورگاندارعا ىقپالى» سٶز بولدى. پٸكٸر بٸلدٸرۋشٸلەر ماقالا جازعان نە سۇحبات العان جۋرناليستٸڭ زورلىق-زومبىلىقتى ناسيحاتتاۋعا اباي بولۋىمەن قاتار سپورت كلۋبتارىنىڭ جەتەكشٸلەرٸ دە دەل وسى مەسەلەگە جاۋاپتى ەكەندٸگٸن ايتتى. ٶيتكەنٸ سپورت ويىندارىندا, ەسٸرەسە, فۋتبولدا بەسەكەلەس ويىنشىلاردى ويىن الاڭىنان الاستاۋ ٷشٸن كەيدە قاساقانا زييان كەلتٸرۋ, يتەرٸپ جٸبەرۋ, شالىپ جىعۋ نە اياعىنان تەبۋ سيياقتى تەسٸلدەر جيٸ قولدانىلادى. مۇندايدىڭ سوڭى كەيدە فۋتبولشىنىڭ سٷيٸكتٸ ٸسٸمەن مٷلدە قوش ايتىسۋىنا ەكەپ سوعاتىنى جاسىرىن ەمەس. وسىنى العا تارتقان باق ٶكٸلدەرٸ سپورت كلۋبتارىنىڭ تەرتٸپ بۇزعان ويىنشىسىمەن قاتار جاتتىقتىرۋشىسى دا جاۋاپ بەرۋٸ تيٸس دەدٸ.
«تۋريزم مەن سپورتتىڭ بايلانىسى جەنە سپورتتىق شارالاردىڭ تۋريزمدە الاتىن ورنى» تاقىرىبىنداعى ٷشٸنشٸ وتىرىستا كەز كەلگەن ەلدٸ حالىقارالىق دەڭگەيدە تانىتۋعا سەپ بولاتىن سپورتقا بارىنشا كٶڭٸل بٶلٸنۋٸ كەرەكتٸگٸ تالقىلاندى. مەسەلەن, ورتا مەكتەپ وقۋشىلارى گەوگرافييانى جاقسى بٸلمەسە دە, قالالاردىڭ اتىنان قۇرىلعان فۋتبول كوماندالارىن جاقسى بٸلەدٸ. فۋتبولشىلاردىڭ ويىنىنا سٷيسٸنگەن ەربٸر جاس پەن كەرٸ مٸندەتتٸ تٷردە ينتەرنەت ارقىلى فۋتبولشى مەن ونىڭ تۋعان جەرٸ تۋرالى اقپارات جينايدى, ٶزگەلەرگە ناسيحاتتايدى. بۇل تۋريزمنٸڭ دامۋىنا سەپ بولارى انىق.
«تٷركٸتٸلدەس جۋرناليستەر قورى» قق.
