الماتى قالاسىنىڭ №2 مەدەۋ اۋداندىق سوتى ەكس-سۋديا سۆەتلانا جولمانوۆاعا ۇكىم شىعاردى. ول ورتاشا قاۋىپسىزدىك مەكەمەسىندە 10 جىل باس بوستاندىعىنان ايىرۋ جازاسىن وتەيتىن بولدى، دەپ حابارلايدى Dalanews.kz.

الاياقتىق ءىسى

تەرگەۋ ماتەريالدارىنا سۇيەنسەك، سۆەتلانا جولمانوۆا ازاماتتاردى جىلجىمايتىن مۇلىك ساتىپ الۋعا جانە جالعان تەندەرلەرگە قاتىستىرۋعا ۋادە بەرىپ، ولاردى الداپ كەلگەن. وسىلايشا، ول 1 ميلليارد تەڭگەگە جۋىق قارجىنى يەمدەنگەن.

ونىمەن بىرگە ايىپتالۋشىلار قاتارىندا دانيار قۇشالييەۆ تە بار. تەرگەۋ ولاردىڭ بۇل ارەكەتتى الدىن الا كەلىسىپ، بىرلەسىپ جاساعانىن ايتادى. ءىس بويىنشا 48 ەپيزود قارالعان، ونداعان جابىرلەنۋشى سوتقا ارىزدانعان. جولمانوۆا جابىرلەنۋشىلەرگە ءوزىنىڭ سۋديالىق تاجىريبەسى مەن بەدەلىن العا تارتىپ، اقشا بەرۋگە سەندىرگەن.

ءىستىڭ حرونولوگياسى

2021 جىلعى 28 ساۋىردە سول كەزدەگى مەدەۋ اۋداندىق سوتىنىڭ سۋدياسى سۆەتلانا جولمانوۆا الاياقتىق جاسادى دەگەن كۇدىكپەن تەرگەۋگە الىنعان بولاتىن. ونىڭ قىزمەتتىك كابينەتىندە جۇرگىزىلگەن ءتىنتۋ بارىسىندا 10 مىڭ دوللار تاركىلەنگەن. ول بۇل اقشانى يپوتەكا راسىمدەۋگە جيناعانىن ايتقان.

2022 جىلى جولمانوۆا قىلمىستىق ءىستىڭ توقتاتىلعانىن العا تارتىپ، قىزمەتىنە قايتا ورالۋعا ارەكەت جاساعان. الايدا 2023 جىلعى 12 مامىردا ول رەسمي تۇردە سۋديا لاۋازىمىنان بوساتىلدى. ەندى بۇل ءىس قايتا قوزعالىپ، ناقتى ۇكىم شىقتى.