"باس پروكۋراتۋرا ازاپتاۋ دەرەگى بويىنشا وسى ادامعا قاتىستى قىلمىستىق ءىستى تەرگەپ جاتىر. 2024 جىلعى 11 قاڭتاردا الماتىنىڭ اۋدانارالىق مامانداندىرىلعان تەرگەۋ سوتى ك.ج. جۇمابەكوۆكە قاتىستى "قاماۋدا ۇستاۋ" تۇرىندەگى بۇلتارتپاۋ شاراسىنا سانكسيا بەردى. ءقازىر بولعان وقيعانىڭ بارلىق ءمان-جايىن، سونداي-اق، وسى ىسكە قاتىسى بار ادامداردى انىقتاۋعا باعىتتالعان تەرگەۋ ارەكەتتەرى جۇرگىزىلىپ جاتىر"، - دەپ جازىلعان باس پروكۋراتۋرانىڭ قازتاگ رەداكسياسىنا بەرگەن جاۋابىندا.
9 قاڭتاردا باسىلىمداردا جۇمابەكوۆ "قورعاس ءىسى" بويىنشا ۇستالعانى تۋرالى اقپارات پايدا بولدى. بۇل كەزدە جۇمابەكوۆ وسى ىسكە "تىكەلەي قاتىسۋشى جانە ورىنداۋشى" ەكەنى ايتىلدى.
ايتا كەتەيىك، بۇعان دەيىن دە قوجامجاروۆتىڭ قول استىنداعىلاردىڭ ءبىرى، قارجى پوليسياسىنىڭ بۇرىنعى قىزمەتكەرى، ازاپتاۋ دەرەگىنە قاتىستى ايىپ تاعىلعان ۇلان مادييەۆ ۇستالعانى جونىندە اقپارات تارادى. سول كەزدە "قورعاس ءىسى" جالعاسىپ جاتقانى ايقىندالدى.
