"Bas prokýratýra azaptaý deregi boiynsha osy adamǵa qatysty qylmystyq isti tergep jatyr. 2024 jylǵy 11 qańtarda Almatynyń aýdanaralyq mamandandyrylǵan tergeý soty K.J. Jumabekovke qatysty "qamaýda ustaý" túrindegi bultartpaý sharasyna sanktsiia berdi. Qazir bolǵan oqiǵanyń barlyq mán-jaiyn, sondai-aq, osy iske qatysy bar adamdardy anyqtaýǵa baǵyttalǵan tergeý áreketteri júrgizilip jatyr", - dep jazylǵan Bas prokýratýranyń QazTAG redaktsiiasyna bergen jaýabynda.
9 qańtarda basylymdarda Jumabekov "Qorǵas isi" boiynsha ustalǵany týraly aqparat paida boldy. Bul kezde Jumabekov osy iske "tikelei qatysýshy jáne oryndaýshy" ekeni aityldy.
Aita keteiik, buǵan deiin de Qojamjarovtyń qol astyndaǵylardyń biri, qarjy politsiiasynyń burynǵy qyzmetkeri, azaptaý deregine qatysty aiyp taǵylǵan Ulan Mádiev ustalǵany jóninde aqparat tarady. Sol kezde "Qorǵas isi" jalǵasyp jatqany aiqyndaldy.
