ساياساتتانۋشى مارات شيبۇتوۆ جاڭا كونستيتۋتسييا تۋرالى ەلەۋمەتتٸك جەلٸلەردە تاراعان قاۋەسەتتٸ, جورامالدار مەن جالعان اقپاراتتى جارييا تٷردە جوققا شىعاردى. سونداي-اق, ول كونستيتۋتسييالىق كوميسسييانىڭ كەزەكتٸ وتىرىسىندا پرەزيدەنت پەن قۇرىلتاي اراسىنداعى كادرلىق ٶكٸلەتتٸكتەردٸڭ بٶلٸنٸسٸ جٶنٸندە دە پٸكٸر بٸلدٸردٸ, دەپ حابارلايدى Dalanews.kz.
كوميسسييا مٷشەسٸ وتىرىستار اراسىنداعى ٷزٸلٸستە ەلەۋمەتتٸك جەلٸدە قازاقستاننىڭ جاڭا كونستيتۋتسيياسى جوباسى تۋرالى شىندىققا جاناسپايتىن اقپارات مەن بارىپ تۇرعان فەيكتەردٸڭ كٶپتٸگٸن بايقاعان.
«كەيبٸر ازاماتتار كوميسسييانىڭ جۇمىسى تۋرالى سول كوميسسييانىڭ وتىرىستارىنا قاتىسىپ جٷرگەن مەنەن دە كٶبٸرەك «بٸلەتٸندەي» كٶرٸنەدٸ», – دەيدٸ ساياساتتانۋشى.
ونىڭ ايتۋىنشا, كەز كەلگەن ادام وقىپ, تانىسۋى ٷشٸن قۇجات كٶپشٸلٸكتٸڭ نازارىنا ۇسىنىلىپ, اشىق تٷردە جارييالانعاننان كەيٸن دە اقپاراتتى ەدەيٸ بۇرمالاۋ توقتاماعان.
«مەنٸڭ ويىمشا, بۇل ەندٸ ويىن ەمەس, تانىمال بولۋعا ۇمتىلىس تا ەمەس, ناعىز قاساقانا پيعىل», – دەپ اتاپ ٶتتٸ مارات شيبۇتوۆ.
سپيكەر «جاڭا كونستيتۋتسييا جوباسى ساياسي مونوپوليياعا ەكەپ سوعادى» دەگەن جاڭساق پٸكٸردٸ جوققا شىعاردى. سەبەبٸ قۇجاتتا مۇنداي مٷمكٸندٸككە جول بەرمەيتٸن جاڭا ٶكٸلدٸ ينستيتۋت – حالىق كەڭەسٸن قۇرۋ كٶزدەلگەن.
ساياساتتانۋشى بۇل مەسەلەنٸ دە ناقتى تارقاتىپ بەردٸ. قازٸر قازاقستان رەسپۋبليكاسىنىڭ سەناتى 40 مەسليحات ٶكٸلٸنەن, پرەزيدەنت كۆوتاسى بويىنشا 5 ادامنان جەنە قازاقستان حالقى اسسامبلەياسىنىڭ 5 ٶكٸلٸنەن قۇرالعان.
ال حالىق كەڭەسٸنە مەسليحات ٶكٸلدەرٸنەن بٶلەك, قوعامدىق كەڭەستەردٸڭ مٷشەلەرٸ دە ەنگٸزٸلەدٸ, قحا ٶكٸلدەرٸنٸڭ سانى 5-تەن 42-گە كٶبەيتٸلٸپ, قوعامدىق ۇيىمداردان – 42 ادام قوسىلادى. وسىلايشا, جاڭا ساياسي ينستيتۋتتاعى ازاماتتىق ٶكٸلدٸك قازاقستان تاريحىنداعى ەڭ اۋقىمدى دەڭگەيگە جەتكٸزٸلمەك.
«حالىق كەڭەسٸ كٶپتەگەن ادامدار ٷشٸن ساياساتقا كەلۋ شەگٸن ايتارلىقتاي تٶمەندەتەدٸ, بۇرىن-سوڭدى مۇنداي مٷمكٸندٸك بولماعان. بۇل ٶتە ماڭىزدى», – دەدٸ مارات شيبۇتوۆ.
سونىمەن بٸرگە, ول كوميسسييانىڭ «جابىقتىعى» مەن «دۇرىس ەمەس قۇرامى» جٶنٸندەگٸ ايىپتاۋلارعا دا جاۋاپ بەردٸ.
«تٸكەلەي ەفيرلەردٸ ەسكەرسەك – بٸرٸنشٸ ايىپتاۋ كٷلكٸنٸ كەلتٸرەدٸ. مۇندا بٸزدٸ بارلىق تاراپتان كامەرالار تٷسٸرٸپ تۇر», – دەپ اتاپ ٶتتٸ ساياساتتانۋشى.
سونداي-اق, سپيكەر كوميسسييا قۇرامىنداعى 130 ادامنىڭ 44-ٸ – قوعامدىق ۇيىمدار, قوعامدىق كەڭەستەر, باق, بٸلٸم سالاسى جەنە عىلىمي ۇيىمداردىڭ ٶكٸلدەرٸنەن قۇرالعانىن جەتكٸزدٸ.
«مەنٸڭشە, مۇندا پٸكٸرلەردٸڭ بارلىعى ەسكەرٸلگەن», – دەدٸ مارات شيبۇتوۆ.
بايانداماسىنىڭ نەگٸزگٸ تاقىرىبىنا كٶشە وتىرىپ, ساياساتتانۋشى پرەزيدەنت پەن قۇرىلتاي اراسىنداعى كادرلىق ٶكٸلەتتٸكتەردٸ بٶلۋ مەسەلەسٸنە دە توقتالدى.
ونىڭ ايتۋىنشا, جاڭا كونستيتۋتسييا جوباسىنا سەيكەس, قۇرىلتاي مىناداي تۇلعالاردى تاعايىنداۋعا نەمەسە كەلٸسٸمٸن بەرۋگە قۇقىلى: پرەمەر-مينيستر, ۆيتسە-پرەزيدەنت, كونستيتۋتسييالىق سوتتىڭ 10 سۋدياسى, ورتالىق سايلاۋ كوميسسيياسىنىڭ 6 مٷشەسٸ, جوعارعى اۋديتورلىق پالاتانىڭ 8 مٷشەسٸ جەنە جوعارعى سوتتىڭ بارلىق سۋديالارى.
وسىلايشا پرەزيدەنت ورتالىق سايلاۋ كوميسسيياسىنىڭ 2 مٷشەسٸن, جوعارعى اۋديتورلىق پالاتانىڭ 2 مٷشەسٸن جەنە كونستيتۋتسييالىق سوتتىڭ 4 سۋدياسىن ەندٸ تاعايىندامايتىن بولادى.
سونىمەن بٸرگە, مەملەكەت باسشىسىنىڭ كونستيتۋتسييالىق ورگانداردىڭ جەتەكشٸلەرٸن – كونستيتۋتسييالىق سوتتىڭ, جوعارعى سوتتىڭ, ورتالىق سايلاۋ كوميسسيياسىنىڭ جەنە جوعارعى اۋديتورلىق پالاتانىڭ تٶراعالارىن, ادام قۇقىقتارى جٶنٸندەگٸ ۋەكٸلدٸ, سونداي-اق وعان باعىنىشتى نەمەسە ەسەپ بەرەتٸن ورگانداردىڭ باسشىلارىن تاعايىنداۋ قۇقىعى ساقتالادى.
«مۇنداي جٷيە پرەزيدەنت پەن قۇرىلتاي اراسىنداعى ساياسي ينستيتۋتتار رەتٸندەگٸ تەپە-تەڭدٸكتٸ ساقتاۋعا مٷمكٸندٸك بەرەدٸ», – دەپ اتاپ ٶتتٸ مارات شيبۇتوۆ.
