بٷگٸن «بۋراباي» ۇلتتىق پاركٸندە قازاقستانداعى ەڭ جوعارى تەحنولوگييالىق ينتەراكتيۆتٸ مۇراجايلاردىڭ بٸرٸ, ابىلاي حان الاڭىندا ورنالاسقان مۋلتيمەدييالىق ينتەراكتيۆتٸ كەشەننٸڭ سالتاناتتى اشىلۋى ٶتتٸ.
كەشەن مەدەني-كٶرمەدە ٷيلەسٸمدٸ ورىن تاۋىپ, قازاقستاننىڭ مەدەني, رۋحاني جەنە تاريحي مۇراسىن دامىتۋعا ىقپال ەتەدٸ.
سالتاناتتى ٸس-شاراعا قر مەدەنيەت جەنە اقپارات مينيسترٸ ايدا بالاەۆا, اقمولا وبلىسىنىڭ ەكٸمٸ مارات احمەتجانوۆ, قر پرەزيدەنتٸ ٸس باسقارۋشىسىنىڭ ورىنباسارى رۋستام باياليەۆ جەنە ت.ب. قاتىستى. 
«بۋرابايدىڭ تۇمسا تابيعاتىن, تاريحي-مەدەني بايلىعىن كٶپشٸلٸككە تانىتۋ – ٶتە ٶزەكتٸ. بٷگٸنگٸ زاماناۋي يننوۆاتسييالىق كەشەننٸڭ اشىلۋى ٶسكەلەڭ ۇرپاقتى وتانسٷيگٸشتٸككە تەربيەلەۋدە ماڭىزدى قادامداردىڭ بٸرٸ دەپ ەسەپتەيمٸن. مۇندا جاستار ٶڭٸردٸ عىلىمي-شىعارماشىلىق تۇرعىدان تەرەڭ زەردەلەپ, رۋحاني كەمەلدەنٸپ, مول تاعىلىم الادى دەپ سەنەمٸن», – دەدٸ ايدا بالاەۆا. سونىمەن قاتار مۇنداي كەشەندەر تەك تاريحي تۇرعىدان عانا ەمەس, قوعامدىق سانانى جاڭعىرتۋعا ىقپال ەتەتٸن وزىق ينستيتۋت قۇرۋدا ماڭىزدى ەكەنٸن اتاپ ٶتتٸ.
كەشەن 2021 جىلى ٸسكە قوسىلدى, 3 جىلدان كەيٸن ونىڭ تۇجىرىمداماسى قايتا قارالىپ, سوڭعى انيماتسييالىق جەنە اۋديوۆيزۋالدى تەحنولوگييالاردى قولدانا وتىرىپ جاڭارتىلدى. 
«مۋلتيمەدييالىق ينتەراكتيۆتٸ كەشەن — جاي عانا مۋزەي ەمەس, بۇل جەردە يننوۆاتسييا مەن دەستٷر ورتاق ٷيلەسٸم تاپقان. كەشەننٸڭ ابىلاي حان الاڭىندا ورنالاسقانى – ەرەكشە وقيعا. بۇل جەر ەلٸمٸزدٸڭ كيەلٸ ورىندارىنىڭ تٸزٸمٸنە كٸرەدٸ جەنە بۋراباي كۋرورتىنىڭ ەڭ باستى كٶز تارتار ورنى. مۋلتيمەدييالىق ورتالىق دەمالىس پەن ويىن-ساۋىق ورنى عانا ەمەس, سونىمەن قاتار مەدەني پٸكٸر الماسۋ ورتالىعى بولاتىنىنا سەنەمٸن»,– دەدٸ اقمولا وبلىسىنىڭ ەكٸمٸ مارات احمەتجانوۆ.
كەشەن ۇلى دالا مۇراسى, قازاقستانعا ساياحات, سامۇرىق قۇسىنىڭ ۇشۋى, باتىرلار دالاسى, مەڭگٸلٸك ەل, ۇلى دالا تاريحى, قازاقتىڭ تاريحي تۇلعالارى, ۋاقىت دەلٸزٸ, ابىلاي حان باتاسى دەپ اتالاتىن توعىز تاقىرىپتىق ايماققا بٶلٸنگەن. بۇل ەربٸر كەلۋشٸگە قازاق مەدەنيەتٸن سەزٸنۋگە جەنە ەل تاريحىمەن تانىسۋعا مٷمكٸندٸك بەرەدٸ.
ايتا كەتەيٸك, جىل سايىن قازاقستانداعى ۆيزيت-ورتالىقتارعا مىڭداعان ادام كەلەدٸ. ٸلە-الاتاۋ ۇلتتىق ساياباعىنداعى تٷرگەنساي جەنە شارىن شاتقالى سيياقتى ەڭ تانىمال جەرلەردٸ جىلىنا 300 000 ادام كٶرەدٸ. بۇل ساندار اتالعان مەكەندەردٸڭ ەرەشەلٸگٸن عانا ەمەس, ەلدٸڭ باي مەدەني مۇراسىن ساقتاۋعا جەنە ناسيحاتتاۋعا ىقپال ەتەتٸن ينفراقۇرىلىمدى دامىتۋعا, قولداۋعا باعىتتالعان جۇمىستاردىڭ نەتيجەسٸن كٶرسەتەدٸ.
قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸ
