تٷنەۋكٷنٸ تەلەجۋرناليست ماييا بەكباەۆا ٶزگە ۇلت ٶكٸلدەرٸ تٶلقۇجاتىنا قازاق دەپ جازسىن دەگەن ۇسىنىس ايتىپ, ايدى اسپانعا شىعارعان ەدٸ دەپ حابارلايدى Dalanews.kz.
نازارباەۆتىڭ اسسامبلەياداعى ورىنباسارى قىزمەتٸنە كەلگەن بەكباەۆانىڭ ايتۋىنشا قازاقستاندا تۇراتىن تالاي ۇلت ٶزٸن قازاق سەزٸنەدٸ ەكەن.
"ەندەشە بۇلارعا نەگە مۇنداي مٷمكٸندٸك بەرمەسكە? امەريكانى الايىقشى. ٷلكەن ەل, ەرتٷرلٸ ۇلتتار تۇرادى. بٸراق بەرٸ ۇلتىن جازاتىن جەرگە “امەريكالىق” دەپ كٶرسەتەدٸ", – دەگەن ەدٸ ماييا حانىم.
بەكباەۆانىڭ ۇسىنىسىنا ۇلتتىق كەڭەس مٷشەسٸ, جۋرناليست, مەملەكەتتٸك تٸلگە جەتٸك ماكسيم روجين جاۋاپ قاتىپتى. روجين بۇل ۇسىنىستان بەلەندەي ٶزگەرٸس بولمايدى دەيدٸ. اتى قازاق بولعاندار, زاتى قازاققا اينالمايدى.
ەلدٸڭ بەرٸ بٸر تٷندە قازاقشا سايراپ كەتپەيدٸ. روجين بۇل ۇسىنىستىڭ ورىنسىز ەكەنٸن مەڭزەپ ٶتٸپتٸ.
"قانداي ۇسىنىس بولسىن ونىڭ ورىندى نە ورىنسىز ەكەنٸن كٶرسەتەتٸن بٸر عانا سيپاتتاما بار. ول ۇسىنىستان نە ٶزگەرەدٸ? قاراپايىم تٸلمەن ايتقاندا ول ۇسىنىستان حالىققا, ەلگە, ازاماتقا, ٶزٸڭە نە پايدا?.
سوڭعى كٷندەرٸ مەنٸ تەگتەپ كٶپ ازامات تٶلقۇجاتىمدا ۇلتتى ٶزگەرتسەم, قارسى ەمەس ەكەنٸن, تٸپتٸ "سەن ٶزگەرتسەڭ رۇقسات" دەپ جازىپ جاتىر. وعان قارسى ويلار دا ايتىلىپ جٷر, ورىندى دەپ ويلايمىن.
وسى سەتتە بارلىعىمىز بٸر سۇراققا جاۋاپ ٸزدەيٸكشٸ: ۇلتتى تٶلقۇجاتتا ٶزگەرتسەك, نە ٶزگەرەدٸ? ناقتى تٸزٸپ بەرسەڭٸزدەر. ەلدە, حالىقتا,قازاق دالاسىن مەكەندەگەن ەربٸر ازاماتتا نە ٶزگەرٸس بولادى?", – دەدٸ ساۋالدى تٶتەسٸنەن قويعان ەكەن ۇلتتىق كەڭەس مٷشەسٸ.
"مەنٸڭشە ٶزگەرٸس بولمايدى.
قازاق تٸلٸن بٸلمەيتٸندەر قازاقشا سٶيلەپ كەتپەيدٸ, جەمقورلار جويىلىپ كەتپەيدٸ, ەكونوميكا قارقىندى دامىپ كەتپەيدٸ, تەڭگە باعامى دوللارمەن تەڭ بولىپ كەتپەيدٸ. سولاي ما?
ال ولاي بولسا, پوپۋليزمدٸ ىسىرىپ تاستاپ, ەلگە پايدالى ۇسىنىس جاسايىق", – دەيدٸ روجين.
ونىڭ پٸكٸرٸنشە ورىس بولىپ-اق كٸندٸك كەسكەن جەرٸن قۇرمەتتەۋگە بولادى. ال ۇلتتىق ەرەكشەلٸك پەن پاتريوتيزمدٸ شاتاستىرۋعا بولمايدى.
"كٶبٸمٸز جاراتۋشىنىڭ بەرگەن ۇلتىمەن, پاتريوتيزمدٸ شاتاستىرعان سەكٸلدٸمٸز. موينىمىزعا جاراتۋشىنىڭ ٸسٸن ەمەس, ادامنىڭ قولىنان كەلەتٸن, ەلگە پايدالى دٷنيەمەن اينالىسايىق", – دەيدٸ روجين.
