باتىس قازاقستان وبلىسىندا تۇرعىنداردى ساپالى بايلانىس جانە ينتەرنەت جەلىسىمەن قامتاماسىز ەتۋ جۇمىستارى تۇراقتى جۇرگىزىلۋدە.
ماسەلەن، بيىلعى جىل باسىنان بەرى «كسەلل» اق بايلانىس وپەراتورى سىرىم اۋدانىنىڭ توعاناس اۋىلىنا، جانىبەك اۋدانىنىڭ اقوبا اۋىلىنا، كازتالوۆ اۋدانىنىڭ نۇرساي جانە قاراسۋ اۋىلدارىنا، بايتەرەك اۋدانىنىڭ جايىق جانە نوۆەنكوە اۋىلدارىنا، بوكەي ورداسى اۋدانىنىڭ مۇراتساي اۋىلىنا جانە قاراتوبە اۋدانىنىڭ جۋساندىوي اۋىلىنا، جالپى سانى 8 ەلدى مەكەنگە جاڭا بازالىق ستانسالارىن ورناتقان.
سونىمەن قاتار، «كار-تەل» ج ش س (بيلاين) بايلانىس وپەراتورى 13 اۋىلدى جاڭا بازالىق ستانسامەن قامتاماسىز ەتتى. ولاردىڭ ىشىندە: تەرەكتى اۋدانىنىڭ توقپاي جانە يۋبيلەينوە اۋىلدارى، بايتەرەك اۋدانىنىڭ پاۆلوۆو جانە ميرنوە اۋىلدارى، جاڭاقالا اۋىلى، اقجايىق اۋدانىنىڭ بازارتوبە، قامىستىكول جانە كونەككەتكەن اۋىلدارى، قاراتوبە اۋدانىنىڭ شوپتىكول اۋىلى، تاسقالا اۋدانىنىڭ امانگەلدى اۋىلى، ءبورلى اۋدانىنىڭ قاراشىعاناق جانە جاڭاتالاپ اۋىلدارى بار.
سونداي-اق، «قولجەتىمدى ينتەرنەت» ۇلتتىق جوباسى اياسىندا وبلىس ورتالىقتارىن 5G ستاندارتىنداعى ءموبيلدى ينتەرنەت جەلىسىمەن قامتاماسىز ەتۋ جۇمىسى اياسىندا ورال شاھارىندا 43 بازالىق ستانسا ورناتىلدى.
