قازاقستان تٶتەنشە جاعدايلار مينيسترلٸگٸ باتىس قازاقستان وبلىسىندا ٷش جىلدان استام ۋاقىت بۇرىن اپاتقا ۇشىراعان مي-8 تٸكۇشاعىنا بايلانىستى ساقتاندىرۋ كومپانيياسىمەن سوتتاسىپ جاتىر. داۋدىڭ باسى – ٶتەماقى كٶلەمٸ. كەي دەرەكتەرگە سەيكەس, تالاپ ەتٸلٸپ وتىرعان سوما ەۋە كەمەسٸنٸڭ قۇنىنان دا اسىپ تٷسەدٸ, دەپ حابارلايدى dalanews.kz جۋرناليست ميحايل كوزاچكوۆقا سٸلتەمە جاساپ.
اپات قالاي بولعان?
وقيعا باتىس قازاقستان وبلىسىنىڭ بەيتەرەك اۋدانىندا بولعان. تجم-گە قاراستى «قازاۆياقۇتقارۋ» اق-نىڭ مي-8 تٸكۇشاعى جەرگە قۇلاپ, سالدارىنان ەكيپاجدىڭ تٶرت مٷشەسٸ قازا تاپقان.
«قازاۆياقۇتقارۋ» ۇيىمى ەدەتتە قۇتقارۋ وپەراتسييالارىنا قاتىسىپ, شالعاي ايماقتاردان ناۋقاستار مەن زارداپ شەككەندەردٸ ەۆاكۋاتسييالاۋ, گۋمانيتارلىق جٷك جەتكٸزۋ, ٶرت سٶندٸرۋ جەنە تٶتەنشە جاعدايلاردىڭ سالدارىن جويۋ جۇمىستارىن اتقارادى.
الايدا اپات بولعان كٷنٸ تٸكۇشاق «قازترانسويلعا» تيەسٸلٸ مۇناي قۇبىرىن باقىلاۋ ماقساتىنداعى كوممەرتسييالىق رەيس ورىنداعان. تەرگەۋ ماتەريالدارىنا سەيكەس, قولايسىز اۋا رايىنا بايلانىستى ەكيپاج ۇشۋ ەۋەجايىنا قايتۋ تۋرالى شەشٸم قابىلداعان. بٸراق بۇرىلۋ كەزٸندە تٸكۇشاق جەرگە سوعىلعان.
قازٸر وسى ٸس بويىنشا ەۋە كەمەسٸنٸڭ كومانديرٸ دەۋلەتباي قاناتوۆ پەن ەكٸنشٸ ۇشقىش ۆلاديمير افاناسەۆكە قاتىستى سوت پروتسەسٸ جٷرٸپ جاتىر. ولاردىڭ مٷددەسٸن تۋىستارى قورعاۋدا.
تجم مەن ساقتاندىرۋ كومپانيياسى اراسىنداعى داۋ
سونىمەن قاتار الماتى قالاسىنىڭ مامانداندىرىلعان اۋدانارالىق ەكونوميكالىق سوتىندا وسى تٸكۇشاققا قاتىستى تاعى بٸر ٸس قارالىپ جاتىر. وندا تجم ساقتاندىرۋ نارىعىنداعى «ەۋرازييا» كومپانيياسىنان مي-8 تٸكۇشاعىنىڭ جوعالۋىنا بايلانىستى ٶتەماقى ٶندٸرٸپ الۋدى تالاپ ەتكەن. بەيرەسمي مەلٸمەتتەر بويىنشا, تالاپ سوماسى شامامەن 8 ميلليارد تەڭگە.
ساقتاندىرۋ كومپانيياسىنىڭ مەلٸمدەۋٸنشە, ولار ٶتەماقى تٶلەۋدەن باس تارتپايدى. الايدا تجم مەن «قازاۆياقۇتقارۋ» ساقتاندىرۋ جاعدايىن تولىق باعالاۋ ٷشٸن قاجەتتٸ قۇجاتتاردىڭ بەرٸن ەلٸ تاپسىرماعان.
نەگە داۋ تۋىندادى?
«ەۋرازييانىڭ» تٷسٸندٸرۋٸنشە, تاراپتار نەگٸزٸنەن ٶتەماقى كٶلەمٸنە قاتىستى كەلٸسە الماي وتىر. كومپانييانىڭ ايتۋىنشا, تالاپ ارىزدا تەك اپاتقا ۇشىراعان تٸكۇشاقتىڭ قۇنى عانا ەمەس, قوسىمشا جابدىقتار مەن قوسالقى بٶلشەكتەر ٷشٸن دە ٶتەماقى تٶلەۋ كٶزدەلگەن. ال ساقتاندىرۋشىنىڭ پٸكٸرٸنشە, ولاردىڭ بٸر بٶلٸگٸ اپات سالدارىنان زاقىمدانباعاندىقتان, ناقتى كەلتٸرٸلگەن شىعىن عانا ٶتەلۋٸ تيٸس.
بۇدان بٶلەك, ساقتاندىرۋ كەلٸسٸمشارتىندا اۆياتسييالىق وقيعانىڭ سەبەپتەرٸ مەن مەن-جايلارى ٶتەماقى تٶلەۋ تۋرالى شەشٸم قابىلداۋدا ماڭىزدى رٶل اتقاراتىنى كٶرسەتٸلگەن. سونداي-اق كەيٸننەن كەلتٸرٸلگەن شىعىندى كٸنەلٸ تۇلعالاردان ٶندٸرٸپ الۋ مەسەلەسٸ دە قاراستىرىلۋى مٷمكٸن.
قوعامدا سۇراق تۋعىزعان جاعداي
تەرگەۋ قورىتىندىسى بويىنشا, مي-8 تٸكۇشاعى ەكيپاج ەرەكەتتەرٸنٸڭ سالدارىنان اپاتقا ۇشىراعان دەگەن تۇجىرىم جاسالعان. وسىعان بايلانىستى ۇشقىشتارعا قىلمىستىق كودەكستٸڭ 344-بابى بويىنشا ايىپ تاعىلعان.
سونىمەن بٸرگە تجم ساقتاندىرۋ كومپانيياسىنان تەك ەۋە كەمەسٸنٸڭ قۇنىن عانا ەمەس, اپاتتان زارداپ شەكپەگەن بولۋى مٷمكٸن جابدىقتار مەن قوسالقى بٶلشەكتەر ٷشٸن دە ٶتەماقى تالاپ ەتٸپ وتىرعانى قوعامدا تٷرلٸ سۇراق تۋعىزىپ وتىر. ەزٸرگە مينيسترلٸك بۇل مەسەلەگە قاتىستى رەسمي تٷسٸنٸكتەمە بەرگەن جوق. ٸس بويىنشا تٷپكٸلٸكتٸ قورىتىندى سوت شەشٸمٸ مەن تجم-نٸڭ جاۋابىنان كەيٸن بەلگٸلٸ بولماق.
