بۇگىن ساعات 14:00 شاماسىندا باتىس قازاقستان وبلىسى پودستەپنوە كەنتىندە جولاۋشى تاسىمالدايتىن اۆتوبۋس پەن مەكتەپ اۆتوبۋسى جول اپاتىنا ۇشىرادى، دەپ حابارلايدى Dalanews.kz.
الدىن الا مالىمەتكە سايكەس سامارا-شىمكەنت رەسپۋبليكالىق تاسجولىمەن كەلە جاتقان جولاۋشىلار اۆتوبۋسى مەكتەپ اۆتوبۋسىمەن سوقتىعىسىپ، سالدارىنان مەكتەپ اۆتوبۋسى الدا تۇرعان كولىككە سوعىلعان.
جول اپاتى سالدارىنان زارداپ شەككەندەر تىركەلدى، ولاردىڭ ىشىندە بالالار دا بار. قازا تاپقاندار جوق.
"بارلىعىنا مەديسينالىق كومەك كورسەتىلدى. بۇل دەرەك بويىنشا قىلمىستىق ءىس قوزعالدى. جولاۋشىلار اۆتوبۋسىنىڭ جۇرگىزۋشىسى ۋاقىتشا ۇستاۋ يزولياتورىنا قامالدى. ءقازىر وقيعا ورنىندا پوليسيا قىزمەتكەرلەرى جۇمىس ىستەپ جاتىر. بارلىق ءمان-جاي انىقتالىپ، ءاربىر قاتىسۋشىنىڭ ارەكەتىنە قۇقىقتىق باعا بەرىلەدى"، - دەدى پوليسيا.
