ۆيتسە-پرەمەر, سۋ تاسقىنىنا قارسى ٸس-شارالاردى ٷيلەستٸرۋ جەنە سۋ تاسقىنىنىڭ سالدارىن جويۋ جٶنٸندەگٸ رەسپۋبليكالىق شتاب جەتەكشٸسٸنٸڭ ورىنباسارى قانات بوزىمباەۆ ورالداعى سۋ تاسقىنىنىڭ بەلسەندٸ كەزەڭٸنە دايىندىق بارىسىن تەكسەرٸپ, ٶزەن جاعالاۋلارى مەن قورعانىس بٶگەتتەرٸن نىعايتۋدى تاپسىردى, – دەپ حابارلايدى Dalanews.kz.
ورالداعى جايىق ٶزەنٸنٸڭ سۋ دەڭگەيٸ ساعات 12:00-دە 7,58 مەتر بولدى. ساراپشىلار سۋ تاسقىنىنىڭ شارىقتاۋ شەگٸ 20-21 سەۋٸردە بولادى دەپ بولجاپ وتىر.
جايىق ٶزەنٸنٸڭ قالا تۇسىمەن ٶتەتٸن بويى 28 شاقىرىم, ونىڭ 21 شاقىرىمىنا بٸلٸكتەر مەن بٶگەتتەردٸ نىعايتۋ جەنە سالۋ جۇمىستارى جٷرگٸزٸلٸپ جاتىر.
بۇل جۇمىستارعا 1300 ەرٸكتٸ مەن 800-گە جۋىق ەسكەري قىزمەتكەر, 300-دەن استام ارنايى تەحنيكا تارتىلعان. سونىمەن قاتار بٷگٸن ورالعا الماتى, قىزىلوردا جەنە تٷركٸستاننان 150 بٸرلٸك قوسىمشا تەحنيكا كەلەدٸ.
ۆيتسە-پرەمەر جەر بٸلٸكتەرٸنٸڭ دەڭگەيٸن 12 مەتر دەيٸن كٶتەرۋدٸ تاپسىردى (قازٸر قالا بويىنشا قاۋٸپتٸ مەجە 8,5). سونداي-اق ورالدى شاعان ٶزەنٸنٸڭ جايىلماسى جاعىنان قورعاۋ تۋرالى شەشٸم قابىلداندى.
سۋ باسۋ قاۋپٸ جوعارى اۋماقتار – قالانىڭ ساياجاي ماسسيۆتەرٸ, بٶرلٸ, تەرەكتٸ, اقجايىق جەنە بەيتەرەك اۋداندارىنداعى ەلدٸ مەكەندەر. ٶزەن الابى بويىنداعى باۋ-باقشا سەرٸكتەستٸكتەرٸنٸڭ تۇرعىندارى ەۆاكۋاتسييالاندى. ورالدا 18 جەدەل-ەۆاكۋاتسييالىق پۋنكت اشىلدى. مۇندا 1690 ادام ورنالاستىرىلعان.
