بۇل جوسپاردا ٶڭٸرلٸك ساياسات دەستٷرلٸ سالالارعا دا, جاڭا باعىتتارعا دا – قازبالاردى ٶندٸرۋگە, كٶلٸك-لوگيستيكا سالاسىنا, جاڭارتىلاتىن ەنەرگييا كٶزدەرٸ مەن تۋريزمگە دە سىرتقى جەنە ٸشكٸ ينۆەستيتسييالاردى تارتۋعا نەگٸزدەلەتٸن بولادى.
بريفينگ كەزٸندە ايماق باسشىسى وبلىستىڭ بالامالى ەنەرگييا كٶزدەرٸن پايدالانا وتىرىپ ەنەرگەتيكا سالاسىن دامىتۋداعى مٷمكٸندٸگٸنٸڭ مول ەكەنٸن اتاپ ٶتتٸ.
2025 جىلعا دەيٸن جالپى قۋاتى 398 مۆت بولاتىن 320,2 ملرد تەڭگەگە 26 جوبانى ٸسكە اسىرۋ جەنە جەك ٷلەسٸن 42%-عا دەيٸن جەتكٸزۋ جوسپارلانۋدا. ونىڭ ٸشٸندە بيىلعى جىلى 179,5 مۆت قۇرايتىن 6 نىسان ٸسكە قوسىلادى. وبلىستىڭ ەلەكتر ەنەرگيياسىن تۇتىنۋى 730,65 مۆت, ونىڭ ٸشٸندە مەنشٸكتٸ ٶندٸرٸس 313,18 مۆت, جەك ٷلەسٸ – 78 مۆت نەمەسە 25%.
ەكسپورتتىق, سونداي-اق يمپورتتىق باعىتتا جٷكتەردٸ اۋىستىرىپ تيەۋگە, ساقتاۋعا جەنە قويمالاۋعا باعىتتالعان اۋقىمدى جوبالاردى جٷزەگە اسىرۋ جوسپارلانۋدا. مىسالى, «DAR RAIL Infrastructure» كومپانيياسىنىڭ دوستىق ستانتسيياسىنداعى قۇنى 25 ملرد تەڭگە بولاتىن, 150 جۇمىس ورنىن قۇراتى جٷك تيەۋ تەرمينالىنىڭ قۇرىلىسىن ايتۋعا بولادى. جوبا قازاقستان-قىتاي شەكاراسى ارقىلى ٶتەتٸن جىلىنا 9 ملن تونناعا دەيٸن جٷك پەن 300 مىڭ كونتەينەردٸ تيەۋدٸ, ساقتاۋدى جەنە قويمالاۋ كٶزدەلگەن.
مينەرالدىق شيكٸزاتتى ٶندٸرۋ جەنە قايتا ٶڭدەۋ سالاسىنا دا باسا نازار اۋدارىلاتىن بولادى. وبلىستا ۋران-كٶمٸر كەن ورىندارىنىڭ بٸرەگەي قورلارى, سونداي-اق مارگانەتس, ۆولفرام, التىننىڭ بەكٸتٸلگەن قورلارى, پايدالى قازبالاردىڭ ٷلكەن كٶلەمدٸ كەن ورىندارى بار.
– دۇرىس جۇمىس جٷرگٸزە وتىرىپ, تۋريزم سالاسىن ەكونوميكانىڭ تولىققاندى درايۆەرٸنە اينالدىرۋعا بولادى. الماتى تاۋ كلاستەرٸ, الاكٶل جەنە بالقاش جاعالاۋلارىن, ۇلتتىق تابيعي ساياباقتارداعى ەكولوگييالىق تۋريزمدٸ دامىتۋ باسىمدىلىققا يە سالالار بولىپ تابىلادى. الماتى تاۋ كلاستەرٸ اياسىندا جالپى سوماسى 546,7 ملرد تەڭگەگە 8 جوبانى جٷزەگە اسىرۋ جەنە 6 مىڭنان استام جۇمىس ورنىن قۇرۋ جوسپارلانۋدا. 2025 جىلعا قاراي جالپى ٶڭٸرلٸك ٶنٸمدەگٸ تۋريزمنٸڭ ٷلەسٸ 6% - عا دەيٸن ارتادى, – دەدٸ سپيكەر.
جالپى وبلىستىڭ 2025 جىلعا دەيٸنگٸ ينۆەستيتسييالىق پورتفەلٸ قۇرىلىپ, وعان 19 مىڭ ادامعا جۇمىس بەرەتٸن جالپى سوماسى 2,8 ترلن. تەڭگە بولاتىن 289 جوبا ەنگٸزٸلدٸ.
