پرەمەر-مينيستردٸڭ ورىنباسارى قانات بوزىمباەۆ اقتاۋدا اپاتقا ۇشىراعان Azerbaijan Airlines (AZAL) ۇشاعىنىڭ قارا جەشٸكتەرٸندەگٸ دەرەكتەر قانشالىق ساقتالعانىن ايتتى, - دەپ حابارلايدى Dalanews.kz Massaget.kz-كە سٸلتەپ.
بوزىمباەۆتىڭ سٶزٸنشە, قازٸر ساراپشىلار جۇمىس ٸستەپ جاتىر.
"قارا جەشٸكتەر اشىلىپ, قازاقستانعا قايتارىلدى, باس پروكۋراتۋرانىڭ قولداۋىمەن تەرگەۋ توبىندا. قازٸر ساراپشىلار جۇمىس ٸستەپ جاتىر. بۇل ماتەريالداردىڭ كٶشٸرمەلەرٸ ەزەربايجان تاراپىندا دا, رەسەي تاراپىندا دا بار. جاسىراتىن تٷگٸمٸز جوق", - دەدٸ ۆيتسە-پرەمەر ٷكٸمەتتەگٸ بريفينگتە.
ايتا كەتەيٸك, 2024 جىلى 25 جەلتوقساندا جەرگٸلٸكتٸ ۋاقىت بويىنشا 11.30-دا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى. بۇل - Azerbaijan Airlines ەۋەكومپانيياسىنا تيەسٸلٸ ەمبراەر 190 ۇشاعى.
اقپارات بويىنشا ۇشاق بورتىندا 67 ادام, ونىڭ ٸشٸندە 5 ەكيپاج مٷشەسٸ بولعان.
اپاتتان 6 قازاقستاندىق كٶز جۇمدى. جالپى قازا تاپقاندار سانى — 38. قايعىلى وقيعادان 29 ادام امان قالدى.
قايعىلى وقيعادان كەيٸن ەزەربايجاندا جالپىۇلتتىق ازا تۇتۋ كٷنٸ جارييالاندى. تٷستە بٷكٸل ەل بويىنشا مەملەكەتتٸك تۋلار تٷسٸرٸلٸپ, كٶلٸكتەر توقتادى. ەزەربايجاندىقتار قازا تاپقانداردى بٸر مينۋت ٷنسٸزدٸكپەن ەسكە الدى.
