مەملەكەت باسشىسى جاساندى ينتەللەكتٸنٸ دامىتۋ مەسەلەلەرٸ جٶنٸندە كەڭەس ٶتكٸزدٸ, - دەپ حابارلايدى Dalanews.kz.
پرەزيدەنت قاسىم-جومارت توقاەۆتىڭ تٶراعالىعىمەن جاساندى ينتەللەكتٸنٸ دامىتۋ مەسەلەلەرٸ جٶنٸندە كەڭەس ٶتتٸ. كەڭەسكە پرەمەر-مينيستر ولجاس بەكتەنوۆ, پرەزيدەنت ەكٸمشٸلٸگٸنٸڭ باسشىسى ايبەك دەدەباي, ٷكٸمەت مٷشەلەرٸ, ورتالىق مەملەكەتتٸك ورگانداردىڭ جەتەكشٸلەرٸ قاتىستى.
پرەزيدەنت قازٸر دٷنيە جٷزٸندە جاساندى ينتەللەكتٸ قارقىندى دامۋىنا بايلانىستى سيپاتى مٷلدە جاڭا تەحنولوگييالىق ٶزگەرٸستەر بولىپ جاتقانىن اتاپ ٶتتٸ.
"بۇل تەحنولوگييا ەلەمدەگٸ بارلىق ەلدٸڭ دامۋىنا تٸكەلەي ەسەر ەتٸپ وتىر. قازٸر ونسىز جاھاندىق بەسەكەگە تٶتەپ بەرۋ مٷمكٸن ەمەس. وزىق تەحنولوگييالار ۇلت دەربەستٸگٸنٸڭ كەپٸلٸنە, ەكونوميكالىق ٶسٸمنٸڭ قوزعاۋشى كٷشٸنە اينالىپ جاتىر. بٸز جاساندى ينتەللەكت سالاسىندا بٸرقاتار جەتٸستٸككە قول جەتكٸزدٸك, بٸراق بوساڭسۋعا بولمايدى.
وسى ستراتەگييالىق باعىتتا تاباندى جۇمىس ٸستەۋٸمٸز كەرەك. بۇل جۇمىسقا مەن ەڭ ماڭىزدى باسىمدىقتىڭ بٸرٸ رەتٸندە قارايمىن. بٸرٸككەن ۇلتتار ۇيىمىنىڭ ساۋدا جەنە دامۋ جٶنٸندەگٸ كونفەرەنتسيياسىنىڭ (UNCTAD) بولجامى بويىنشا 2033 جىلعا قاراي جاساندى ينتەللەكت نارىعىنىڭ اۋقىمى 4,8 تريلليون دوللارعا جەتۋٸ مٷمكٸن. ال ونىڭ عالامدىق تەحنولوگييالىق يندۋستريياداعى ٷلەسٸ 7 پايىزدان 29 پايىزعا دەيٸن ارتادى. بۇل, ەرينە, تەڭدەسٸ جوق ٶسٸم بولماق. جاساندى ينتەللەكت دامۋدىڭ جاڭا مٷمكٸندٸكتەرٸنە كەڭٸنەن جول اشادى", – دەدٸ مەملەكەت باسشىسى.
پرەزيدەنتتٸڭ ايتۋىنشا, قازٸر بۇل سالاداعى بەسەكە كٷشەيدٸ.
"بيىل شٸلدە ايىندا اقش پرەزيدەنتٸ دونالد ترامپتىڭ ەكٸمشٸلٸگٸ America’s AI Action Plan ستراتەگيياسىن جارييالادى. وندا جاساندى ينتەللەكت اقش-تىڭ تەحنولوگييا, ەكونوميكا جەنە قورعانىس سالالارىندا كٶشباسشى ەل بولىپ تۇرۋىنا قاجەت اسا ماڭىزدى قۇرال رەتٸندە قارالعان. ماماندارىمىز وسى جەنە باسقا دا قۇجاتتاردى مۇقييات زەردەلەپ, ناقتى قورىتىندى جاساۋى كەرەك. ال قىتاي جاساندى ينتەللەكت سالاسىنداعى ىنتىماقتاستىقتى دامىتۋ جٶنٸندەگٸ جاھاندىق ۇيىم قۇرۋ تۋرالى باستاما كٶتەردٸ. ماقسات – جاساندى ينتەللەكتٸنٸ باسقارۋعا ارنالعان كٶپجاقتى تەسٸلدەردٸ ٸلگەرٸلەتۋ, سونداي-اق, تسيفرلىق الشاقتىقتى جويۋ, جاساندى ينتەللەكتٸنٸ تۇراقتى قولدانۋ جەنە ونى پايدالانۋ ەتيكاسىن قالىپتاستىرۋ. قىتايدىڭ مۇنداي ۇيىم قۇرۋ تۋرالى ۇسىنىسىن قولداۋ كەرەك دەپ ويلايمىن. دايىندىق ٸس-شارالارىنا اتسالىسۋ قاجەت. بۇل – ەلٸمٸزدٸڭ مٷددەسٸ. قازاقستاننىڭ نەگٸزگٸ ماقساتى – ەۋرازيياداعى تسيفرلىق حابقا اينالۋ. ول ٷشٸن ناقتى ٸسكە كٶشۋ كەرەك. ەر مەسەلەگە جٷيەلٸ تٷردە قاراپ, باتىل شەشٸمدەر قابىلداپ, ونىڭ ورىندالۋىن قاتاڭ باقىلاۋعا الۋ قاجەت. مەن بۇعان دەيٸن بٸرىڭعاي ۇلتتىق تسيفرلىق ەكوجٷيە قۇرۋ ٸسٸن تەزدەتۋ تۋرالى ايتتىم.
قاجەت ينفراقۇرىلىمدى دايىنداپ, زاڭنامالىق نەگٸز بەن مەلٸمەتتەردٸ جيناۋ جٷيەسٸن ەزٸرلەپ, جاساندى ينتەللەكتٸنٸ ەنگٸزۋ جۇمىسىن باستاۋدى تاپسىردىم. بٸراق بۇل تاپسىرمالاردىڭ ورىندالۋ بارىسى مەز ەمەس", – دەدٸ قاسىم-جومارت توقاەۆ.
