كەسٸپكەر قايرات بورانباەۆتىڭ يەلٸگٸنەن كەتكەن استاناداعى قىمبات قوناقٷي قايتا ساتۋعا شىعارىلدى, - دەپ حابارلايدى Dalanews.kz.
استانانىڭ ينۆەستيتسييالار جەنە كەسٸپكەرلٸكتٸ دامىتۋ باسقارماسى قايرات بورانباەۆ تەرگەۋمەن ىنتىماقتاستىق اياسىندا مەملەكەتكە تاپسىرعان Comfort Hotel Astana قوناقٷي كەشەنٸن قايتا ساتۋعا شىعاردى. 27 ناۋرىزعا بەلگٸلەنگەن العاشقى ساۋدا-ساتتىق قاتىسۋشىلاردان ٶتٸنٸم بولماۋىنا بايلانىستى ٶتپەگەن.
"ساتىپ الۋ قۇقىعىمەن نىساندى سەنٸمگەرلٸك باسقارۋعا بەرۋ بويىنشا تەندەر 25 سەۋٸرگە بەلگٸلەندٸ. باستاپقى قۇنى ٶزگەرٸسسٸز قالىپ وتىر: 3 919 431 715 تەڭگە. كەپٸلدٸك جارنا 587,9 ميلليون تەڭگە بولادى.
تەندەردٸڭ شارتتارى بويىنشا جاڭا يەسٸ نىساندى تەك قوناقٷي بيزنەسٸن جٷرگٸزۋ ٷشٸن پايدالانا الادى. ساتىپ الۋشىنىڭ مەرزٸمٸ ٶتكەن كرەديتورلىق بەرەشەگٸ بولماۋى كەرەك. سونداي-اق, ونىڭ قازاقستاندا قوناقٷيلەردٸ باسقارۋدا كەمٸندە جەتٸ جىل تەجٸريبەسٸ بولۋعا تيٸس", - دەپ جازىلعان informburo.kz مەلٸمەتٸندە.
بۇعان دەيٸن دە ينۆەستيتسييالار جەنە كەسٸپكەرلٸكتٸ دامىتۋ باسقارماسى Comfort Hotel-دٸ 3,9 ميلليارد تەڭگەگە ساتىپ الۋ قۇقىعىمەن بەس جىلعا سەنٸمگەرلٸك باسقارۋعا بەرۋدٸ جوسپارلاپ وتىرعانى تۋرالى اقپارات تارادى.
سول كەزدە ساتىلىم 27 ناۋرىزدا جٷزەگە اسىرىلادى جەنە قوناقٷي جالعىز ادامعا بەرٸلۋٸ مٷمكٸن ەكەنٸ ايتىلدى. جاڭا باسشى بيزنەستٸڭ ماقساتىن ساقتاۋعا مٸندەتتٸ.
"قارجىلىق ەسەپ بويىنشا بىلتىر قوناقٷيدٸڭ تازا تابىسى 65,6 ميلليون تەڭگە بولعان", - دەپ جازىلعان ەدٸ مەلٸمەتتە.
ايتا كەتەيٸك, بۇعان دەيٸن تەرگەۋمەن ەرٸكتٸ ىنتىماقتاستىق اياسىندا قما قايرات بورانباەۆتىڭ مٷلكٸن مەملەكەتكە قايتارۋ شارالارىن قابىلدادى.
قايرات بورانباەۆتىڭ كومپانييالارى مەملەكەتتٸك مٷلٸك كوميتەتٸنە جالپى قۇنى 1,4 ميلليارد تەڭگەدەن اساتىن Comfort Hotel Astana قوناقٷي كەشەنٸن مەملەكەت مەنشٸگٸنە ٶز ەركٸمەن بەرۋ ٷشٸن تيٸستٸ ٶتٸنٸمدەر بەردٸ.
"اۋماعى 5 مىڭ شارشى مەتردەن اساتىن بۇل قوناقٷي كەشەنٸنٸڭ جىلدىق اينالىمى 900 ميلليون تەڭگەگە جۋىق", - دەپ جازىلعان ەدٸ قما مەلٸمەتٸندە.
العاشىندا قولدانىستاعى زاڭناماعا سەيكەس بۇل نىساندى دەمالىس, ساۋىقتىرۋ جەنە بٸلٸم بەرۋ ورتالىقتارىن ۇيىمداستىرۋ, ەلەۋمەتتٸك ماقساتتا پايدالانۋ جوسپارلانعان ەدٸ.
