نازاربايەۆ اۋلەتىنىڭ ەكس-قۇداسى، كاسىپكەر قايرات بورانبايەۆقا تيەسىلى بولعان فيتنەس كلۋب مەملەكەتتىك ساتىپ الۋ پورتالىنا شىقتى، - دەپ حابارلايدى Dalanews.kz.
Press.kz مالىمەتىنشە، F link (Fitnation كلۋبى) كومپانياسى مەملەكەتتىك ساتىپ الۋ پورتالى ارقىلى يوگا، بوكس، پيلاتەس جانە زۋمبا بويىنشا توپتىق ساباقتارعا جاتتىقتىرۋشىلار جيناپ جاتىر. ولارعا قوستاناي، الماتى جانە استانا قالالارىنداعى فيليالداردا جۇمىس ىستەۋ ءۇشىن قىزمەتكەرلەر قاجەت.
"ءقازىر كومپانيا الماتىداعى مەملەكەتتىك اكتيۆتەر باسقارماسىنا تيەسىلى، ال ونى اسلان مۇحامەدجان باسقارادى"، - دەپ جازىلعان دەرەكتە.
ايتا كەتەيىك، كاسىپكەر بۇعان دەيىن فيتنەس-كلۋبتار جەلىسىن مەملەكەتكە بەردى. كەيىن قارجى مونيتورينگ اگەنتتىگى بۇل نىساندار الەۋمەتتىك ماقساتتاردا پايدالانىلاتىنىن حابارلادى.
بىلتىر 6 قاراشادا قايرات بورانبايەۆ بوستاندىققا شىقتى. ال وعان دەيىن ناۋرىزدا 8 جىلعا سوتتالدى. قىركۇيەكتە جازا مەرزىمى 6 جىلعا دەيىن قىسقاردى.
"باي قۇدا" استانانىڭ ورتالىعىنداعى 4 جۇلدىزدى ءقوناقۇيدى، باسقا دا ءبىراز مۇلىكتى مەملەكەت مەنشىگىنە تاپسىردى. سونىڭ ىشىندە رەسمي دەرەكتەرگە سۇيەنسەك، اۋماعى بەس مىڭ شارشى مەتردەن اساتىن ءقوناقۇي كەشەنىنىڭ جىلدىق اينالىمى شامامەن 900 ميلليون تەڭگەدەن اسادى ەكەن.
بۇعان دەيىن زاڭگەر ابزال قۇسپان قايرات بورانبايەۆ قانداي سەبەپپەن ەرتە شىققانىن ءتۇسىندىردى.
"پروسەستىك كەلىسىم جاسالدى. ول كودەكسىمىزدە 2014 جىلدان باستاپ ەندى. 2015 جىلدان باستاپ قولدانىلادى. بورانبايەۆ قىلمىسى ەكونوميكالىق قىلمىس دەپ تانىلدى. سىبايلاس جەمقورلىق ەمەس، قاڭتار وقيعاسىنا قاتىسى بار سەكىلدى اۋىر زارداپتارى جوق. سوندىقتان ول كەلتىرىلگەن شىعىندى ورنىنا كەلتىردى. مەنىڭ بىلۋىمشە، ول پروسەستىك كەلىسىم ارقىلى شىققان"، - دەدى دەپۋتات.
