جامبىل وبلىسىنىڭ باس پروكۋرورى نۇرعالىم ءابدىروۆ ەلدوس قوسپايەۆتىڭ قىلمىستىق توبى ەلدەن قالايشا زاڭسىز قاشىپ كەتكەنىن ايتتى، - دەپ حابارلايدى Dalanews.kz.
نۇرعالىم ءابدىروۆ ەلدوس قوسپايەۆتىڭ قىلمىستىق توبى ەلدەن شەكاراداعى سالعىرتتىق سالدارىنان قاشىپ كەتكەنىن ايتادى.
"قوردايداعى تارتىپسىزدىكتەر كەزىندە مەملەكەتتىك ورگانداردىڭ جۇمىسى دۇرىس ەمەس ەكەنى انىقتالدى. ونىڭ ىشىندە، مەملەكەتتىك شەكارانىڭ سەنىمسىز بولۋى دا بار. شەكارا قىزمەتىن باقىلاۋ ءبىزدىڭ قۇزىرىمىزداعى نارسە ەمەس. ءبىراق ءبىزدىڭ وبلىسىمىز شەكارادا تۇرعاندىقتان شەكارا قاۋىپسىزدىگى ماسەلەلەرى ءبىزدىڭ باقىلاۋىمىزسىز قالمايدى. بۇل جۇمىسقا قۇقىق قورعاۋ ورگاندارى عانا ەمەس، جەرگىلىكتى اتقارۋشى ورگاندار دا تارتىلادى.
(...)
سوڭعى جىلدارى قازاقستاندى ەۋروپاعا ءوتۋ ءۇشىن وڭتۇستىك ازيا ازاماتتارىنىڭ (پاكىستان، نەپال، بانگلادەش، اۋعانستان) ترانزيتتىك ەل رەتىندە پايدالانۋ جاعدايلارى جيىلەپ كەتتى. ءقازىر ءبىز قىلمىستىق ەلەمەنتتەردى قولدانا الاتىن شەكارانىڭ تار جانە ءالسىز جەرلەرىن الىپ تاستاۋمەن اينالىسامىز"، - دەيدى ءابدىروۆ Orda.kz-كە بەرگەن سۇحباتىندا.
ەسكە سالايىق، ەلدوس قوسپايەۆقا قاتىستى ءىس بويىنشا تەرگەۋ اياقتالۋعا جاقىن. بۇل تۋرالى بۇگىن ماجىلىستە قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ مالىمدەدى.
ەلەمەسوۆتىڭ ايتۋىنشا، ءقازىر 13 كۇدىكتىنىڭ ادۆوكاتتارى قىلمىستىق ءىس ماتەريالدارىمەن تانىسىپ جاتىر.
"ماسەلە مىنادا، زاتتاي دالەلدەردى ەسەپتەمەگەندە ول جەردە 508 توم بار. سالماعى سەگىز تەرابايت بولاتىن ۆيدەولار مەن اۋديوجازبالار بار. جۇمىس كولەمى وتە ۇلكەن جانە 13 كۇدىكتى بار. سونىمەن قاتار، ولاردىڭ ءارقايسىندا ادۆوكاتتار بار، بارلىعى تانىسۋى كەرەك. پروسەسس قالاي اياقتالادى، سولاي ءىستى سوتقا جىبەرەمىز"، - دەدى جەڭىس ەلەمەسوۆ.
بۇعان دەيىن ۇلتتىق قاۋىپسىزدىك كوميتەتى بىلايعى ورتادا بولات نازاربايەۆتىڭ سەنىمدى وكىلى سانالىپ كەلگەن ەلدوس قوسپايەۆ باستاعان قىلمىستىق توپتىڭ 7 مۇشەسىن سولتۇستىك كيپردەن قازاقستانعا جەتكىزگەنىن مالىمدەگەن ەدى. بۇل وپەراسيا بىلتىر 6 قىركۇيەكتە جۇزەگە اسىرىلدى.
بۇل توپقا ق ر قارجىلىق مونيتورينگى اگەنتتىگى رەيدەرلىك جاسادى، ۇيىمداسقان قىلمىستىق توپ قۇردى جانە وعان قاتىستى دەگەن كۇدىكپەن حالىقارالىق ىزدەۋ جاريالاعان بولاتىن.
