اتىشۋلى "التىن وردا" بازارىنان تٷسەتٸن سالىق تٷسٸمٸ ارتقان. مۇنى الماتى وبلىسىنىڭ ەكٸمٸ مارات سۇلتانعازيەۆ مەلٸم ەتتٸ, دەپ جازادى Dalanews.kz.
وبلىس ەكٸمٸنٸڭ ايتۋىنشا, بەرتٸنگە دەيٸن باقىلاۋسىز كەلگەن "التىن ورداداعى" تەرتٸپ تٷزەلگەن. قۇقىق قورعاۋ جەنە سالىق ورگاندارى تيٸستٸ تەكسەرۋ جٷرگٸزگەن.
"بازاردا تٸركەلمەگەن, تيٸسٸنشە سالىق تٶلەمەگەن 200-گە جۋىق كەسٸپكەر انىقتالىپ, تٸزٸمگە ەندٸ. قازٸر بازاردان دا, سول جەردە جۇمىس ٸستەيتٸن كەسٸپكەرلەردەن دە سالىق ۇستالادى. بيۋدجەتكە تٷسەتٸن سالىق ٶتكەن جىلدارمەن سالىستىرعاندا بٸر جارىم ەسەگە ٶستٸ", – دەدٸ مارات سۇلتانعازيەۆ "ماسساگەت" ارناسىنا بەرگەن سۇحباتىندا.
وبلىس ەكٸمٸ اقشاسىن تٶلەسە دە سالىنىپ جاتقان پاۆيلوننان ورىن الا الماعان كەسٸپكەرلەردٸڭ جانايقايىنان دا حاباردار.
"بۇل جەردە جەكە كەسٸپكەر مەن بازار ەكٸمشٸلٸگٸنٸڭ اراسىندا كەلٸسٸم شارت جاسالعانىن تٷسٸنۋ كەرەك. ولار پاۆيلونداعى ورىنعا اقشا تٶلەگەن. 300 ادام شاعىمدانىپ, ٸس قوزعالدى. كەيٸن ۇيىمداستىرۋشى قاماۋعا الىندى. قازٸر بازار ەكٸمشٸلٸگٸ ساۋداگەرلەردٸڭ شىعىنىن ەسەپكە الىپ, قاجەتتٸ ورىنداردى قامتاماسىز ەتۋگە, پاۆيلون قۇرىلىسىن جەدەلدەتۋگە كٷش سالۋدا. وعان تولىق رۇقسات بەرٸلگەن.
قازٸر بازاردىڭ يەسٸ بٸر زاڭدى تۇلعا بولسا, ونى جالعا بەرۋمەن باسقا تۇلعا اينالىسادى. ال جالعا الۋشىنىڭ ٷستٸنەن قىلمىستىق ٸس قوزعالىپ, تەرگەۋ جٷرٸپ جاتىر", – دەدٸ ەكٸم.
جۋرناليستٸڭ "بازاردى الماتى قالاسىنىڭ قاراماعىنا ٶتكٸزۋ جوسپاردا بار ما?" دەگەن سۇراعىنا ەكٸم:"كٷن تەرتٸبٸندە ونداي مەسەلە جوق" دەپ قىسقا قايىردى.
ايتا كەتەيٸك, "التىن وردا" – الماتى شەكاراسىنداعى الىپ بازار. بۇل جەردەن 10 جىلدان بەرٸ ادام اياعى ارىلماي كەلەدٸ. بۇعان دەيٸن بازارداعى باعا مەن مونوپوليياعا قاتىستى شۋ جىلى جابىلعانىمەن, الىپ كەشەنگە قاتىستى مەسەلەلەر قاڭتار وقيعاسىنان كەيٸن اشىق ايتىلىپ جٷر.
2022 جىلى سوتتا "التىن وردانىڭ" رەيدەرلٸك جولمەن باسىپ الىنعانى بەلگٸلٸ بولدى.
سوت انىقتاعانداي, 2012 جىلى بازاردىڭ ٷلەسٸ ەكس-پرەزيدەنت نۇرسۇلتان نازارباەۆتىڭ قايتىس بولعان ٸنٸسٸ بولات نازارباەۆتىڭ اتىنا جازىلعان. كەيٸن 95 پايىزى «كومپانييا Number One» جشس-نە ساتىلعان. ونىڭ يەسٸ استاناداعى ەكونوميكالىق تەرگەۋ دەپارتامەنتٸنٸڭ بۇرىنعى باسشىسى ەركەبۇلان حامزين بولىپ شىقتى. قۇجات بويىنشا 2 113 750 000 تەڭگەگە مەمٸلە جاسالعان. ٷلەستٸڭ تەك 5 پايىزى دانييار ەلپيەۆتٸڭ قولىندا بولعان.
بۇعان دەيٸن ول "الاياقتىق" بابى بويىنشا سوتتالدى, ەندٸ سول باپ بويىنشا ٷستٸنەن تاعى دا قىلمىستىق ٸس قوزعالىپ وتىر.
ەسكە سالايىق, بولات نازارباەۆ – تۇڭعىش پرەزيدەنت نۇرسۇلتان نازارباەۆتىڭ جوعارى مەملەكەتتٸك قىزمەتتە تٶبە كٶرسەتپەگەن سيرەك تۋىسىنىڭ بٸرٸ. الايدا ول قازاقستانداعى ەڭ باي ادامداردىڭ تٸزٸمٸندە بولدى. قاڭتار وقيعاسىنان كەيٸن نازارباەۆتار ەۋلەتٸ جوعارعى بيلٸككە ىقپالىنان ايىرىلعان سوڭ بولات نازارباەۆ پەن ونىڭ اكتيۆتەرٸنە بايلانىستى داۋ شىعىپ, كەيبٸر ٸستەرٸ سوتقا دەيٸن جەتتٸ. سونىڭ بٸرٸ – بازار داۋى ەدٸ. ٶكٸنٸشكە قاراي, شەنەۋنٸك سوزىلمالى دەرتتەن 13 قاراشادا الماتىنىڭ ورتالىق اۋرۋحاناسىندا قايتىس بولدى. سوعان قاراماستان مارقۇم بولات نازارباەۆتىڭ تٸرٸ كٷنٸندە ٸستەگەن قىلمىستارىنا قاتىستى ارىزدار ەلٸ كٷنگە دەيٸن تٷسٸپ جاتىر دەسەدٸ. بۇل تۋرالى جاقىندا مەجٸلٸس كۋلۋارىندا باق ٶكٸلدەرٸنٸڭ بٸرٸ ەدٸلەت مينيسترٸ ازامات ەسقاراەۆتان مارقۇمنىڭ تٶڭٸرەگٸندەگٸ داۋعا الداعى ۋاقىتتا كٸم جاۋاپ بەرەتٸنٸن دە سۇراعان بولاتىن.
جۋرناليستٸڭ "بولات نازارباەۆتىڭ قىلمىسىنا الداعى ۋاقىتتا كٸم جاۋاپ بەرەدٸ?" دەپ قويعان سۇراعىنا مينيستر "بۇل ٸس بويىنشا قۇقىق قورعاۋ ورگاندارىنا جٷگٸنە الاسىز. بٸز – ازاماتتىق ورگانبىز. بۇل سۇراق مەنٸڭ قۇزىرەتٸمە كٸرمەيدٸ", - دەپ قىسقا جاۋاپ قايىرعان ەدٸ.
