ق ر عىلىم جانە جوعارى ءبىلىم مينيسترلىگى «بولاشاق» حالىقارالىق ستيپەندياسى جانە «عىلىمي تاعىلىمدامالار» باعدارلاماسى يەگەرلەرىنىڭ ءتىزىمىن جاريالادى،- دەپ حابارلايدى Dalanews.kz
شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن 217 قازاقستاندىق «بولاشاق» حالىقارالىق ستيپەندياسىنىڭ يەگەرى اتاندى.
"ونىڭ ىشىندە 167 ادام ماگيستراتۋرادا، 13 ادام دوكتورانتۋرادا وقيدى، ال 37ء-ى الەمنىڭ ۇزدىك ۋنيۆەرسيتەتتەرى مەن ورتالىقتارىندا كاسىبي تاعىلىمدامادان وتەدى. بۇل رەتتە ستيپەندياتتاردىڭ 67،7%-ى جاراتىلىستانۋ-تەحنيكالىق پاندەر بويىنشا، ال 32،3%-ى قوعامدىق-گۋمانيتارلىق بەيىن بويىنشا وقيدى"، - دەلىنگەن حابارلامادا.
بۇعان قوسا، شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن 68 قازاقستاندىققا الەمنىڭ جەتەكشى عىلىمي جانە زەرتتەۋ ورتالىقتارىندا عىلىمي تاعىلىمدامادان وتۋگە ستيپەنديا تاعايىندالدى.
ءتىزىمدى مىنا جەردەن كورە الاسىز.
