قارجىلىق مونيتورينگ اگەنتتٸگٸ «بٸرىڭعاي جيناقتاۋشى زەينەتاقى قورى» اق-دان ازاماتتاردىڭ جيناقتارىن زاڭسىز شىعارۋ دەرەكتەرٸ بويىنشا ستوماتولوگييالىق كلينيكالاردىڭ باسشىلارى مەن ٶزگە دە ادامدارعا قاتىستى تەرگەپ-تەكسەرۋدٸ جالعاستىرۋدا, دەپ حابارلايدى Dalanews.kz.
زەينەتاقى جيناقتارى ستوماتولوگييالىق قىزمەتتەر كٶرسەتۋ تۋرالى فورمالدى شارتتار جاساسۋ جەنە كەيٸننەن جالعان مەديتسينالىق قۇجاتتار ۇسىنۋ ارقىلى شىعارىلعانىن ەسكە سالامىز.
اتالعان كٶمەك ٷشٸن كٷدٸكتٸلەر الىنعان قاراجاتتىڭ 10%-دان 20%-عا دەيٸنگٸ مٶلشەرٸندە زاڭسىز سىياقى ۇستاپ وتىرعان.
قىلمىستىق سحەماعا 42 ستوماتولوگييالىق كلينيكا تارتىلعان.
جالپى سوماسى 200 ملرد تەڭگەدەن استام قاراجات شىعارىلعان.
قىلمىستىق جولمەن الىنعان تابىستارعا كٷدٸكتٸلەر ەليتالىق جىلجىمالى جەنە جىلجىمايتىن مٷلٸك ساتىپ الىپ, سونداي-اق جاسىرۋ ماقساتىندا ٷشٸنشٸ تۇلعالاردىڭ اتىنا رەسٸمدەپ, جاڭا ستوماتولوگييالىق كلينيكالار اشقان.
ون بٸر كٷدٸكتٸ 2 اي مەرزٸمگە قاماۋعا الىندى, ال ٷشەۋٸنە قاتىستى ٷيقاماق تٷرٸندەگٸ بۇلتارتپاۋ شاراسى تاڭدالدى.
سونىمەن قاتار, جٷيەلٸ تٷردە زاڭسىز سىياقى الۋ ٷشٸن مەديتسينالىق مەكەمەلەردٸڭ دەرٸگەرلەرٸ دەرٸگەرلٸك-كونسۋلتاتسييالىق كوميسسييالاردىڭ (دكك) جالعان قورىتىندىلارىن بەرگەن, كٷدٸكتٸلەردەن الىنعان قاراجاتتىڭ جالپى سوماسى 30 ملن تەڭگەنٸ قۇرادى.
اتالعان فاكتٸلەر بويىنشا بٸرقاتار سوتقا دەيٸنگٸ تەرگەپ-تەكسەرۋلەر باستالدى.
بۇعان دەيٸن حابارلانعانداي, ٶز زەينەتاقى اۋدارىمدارىن العان ازاماتتار قىلمىستىق قۋدالاۋ اياسىنا تٷسپەيدٸ.
قازاقستان رەسپۋبليكاسى قىلمىستىق-پروتسەستٸك كودەكسٸنٸڭ 201-بابىنا سەيكەس ٶزگە اقپارات جارييا ەتۋگە جاتپايدى.
