مەجٸلٸس دەپۋتاتى نارتاي سەرسەنعاليەۆ ەلەۋمەتتٸك جەلٸ ٷشٸن پرانك جاسايتىنداردى سىنادى, دەپ حابارلايدى Dalanews.kz.
دەپۋتات جەلٸدە تاراعان بٸرنەشە وقيعاعا توقتالدى.
"استانادا بلوگەر دوستارىمەن بٸرگە ليفتتٸڭ ٸشٸنە "جالعان مەيٸت" كٸرگٸزٸپ, كەيٸن جارىقتى ٶشٸرەدٸ. سول سەتتە مەيٸت كەيپٸندەگٸ ادام قوزعالا باستايدى. جەدەلساتىنىڭ ٸشٸندە بولعانداردىڭ جان داۋسى شىقتى. ەلوردانىڭ تاعى بٸر تۇرعىنى جەدەلساتىعا تاپانشامەن كٸرٸپ, ادامدارعا كەزەپ, جۇرتتىڭ زەرە-قۇتىن الدى. الماتىدا بلوگەرلەر اۋلا سىپىرۋشىلارعا قوقىس لاقتىرىپ, مازاق ەتٸپ بەينەجازبا تٷسٸرٸپ تاراتتى. مۇنداي مىسال مىڭ", - دەدٸ ول.
سونداي-اق, نارتاي ارالبايۇلى قىتايدا, ٶزبەكستاندا پرانك تٷسٸرگەن بلوگەر تۋرالى دا ايتتى.
"ول ول ما, بٸزدٸڭ بلوگەر-سىماقتار شەتەلگە بارىپ ابىرويدى ايرانداي تٶگٸپ جٷر. مەسەلەن, قازاقستاندىق بلوگەر ارۋجان ايبەكوۆا قىتايدا "ۇرلىق جاساپ جاتقانداي" روليك تٷسٸرگەن. ارتى ٷلكەن شۋ بولىپ, اقىرى ەلگٸ قىز جەرگٸلٸكتٸ پوليتسيياعا شاقىرىلدى. تٷسٸندٸرۋ جۇمىستارى جٷرگٸزٸلدٸ. بٸراق ول تٷسٸندٸ مە? ٶيتكەنٸ دەل وسى بلوگەر ارادا از ۋاقىت ٶتكەندە تاشكەنت مەتروسىندا جٸگٸتتەردٸڭ قولىنان ۇستاپ تيٸسكەنٸ تۋرالى بەينەجازبا تاعى تارادى. "ويىننان دا ومىرتقا سىناتىنىن" بٸلمەيتٸن مۇنداي بلوگەر-سىماقتاردى قاتاڭ جاۋاپقا تارتاتىن كەز كەلدٸ. سەبەبٸ بۇل - ادامنىڭ جەكە ٶمٸرٸنە قول سۇعۋ, قوعامدىق تەرتٸپتٸ بۇزۋ", - دەدٸ ول.
دەپۋتات كەيٸنگٸ كەزدە جەلٸدە تاراپ جاتقان تاعى بٸر پرانكتى سىنادى.
"قازٸر پرانك دەگەن پارىقسىز ەرەكەتتٸڭ تاعى بٸر تٷرٸ پايدا بولدى. ول جاساندى ينتەللەكتٸمەن جاسالادى. بٸرٸندە مەملەكەت باسشىلارىنىڭ, لاۋازىمدى تۇلعالاردىڭ قانداي دا بٸر دٷكەنگە ساۋدا جاساۋعا كەلگەنٸ بەينەلەنگەن. تسيفرلىق تەحنولوگييانى بٸلمەيتٸن ادامنىڭ ساناسى سان ساققا جٷگٸرەدٸ, سەنٸپ قالادى. ماركەتينگ ٷشٸن دەپ جاساندى ينتەلەكت ارقىلى مۇنداي جاساندىلىققا جٷگٸنۋدٸ توقتاتۋ كەرەك. تاعى بٸر پرانكتە بالالار اتا-انالارىنا "تانىمايتىن ادام ٷيگە كەلٸپ تۇر, نە ٸستەيمٸز?" دەپ, جاساندى ينتەللەكت ارقىلى بەيمەلٸم ادام ٷيگە كٸرٸپ كەتكەن, پەتەردٸ ارالىپ جٷرگەن سۋرەتتەرٸن جٸبەرەدٸ. زەرەسٸ ۇشقان اتا-انا پوليتسيياعا تەلەفون شالادى, جۇمىسىن تاستاپ ٷيٸنە بارادى. اقىرىندا بۇل پرانك دەپ بالا-شاعا بەيقام وتىرادى. دەل سول ۋاقىتتا پوليتسييا شىن مۇقتاج ادامعا كٶمەككە بارۋعا ٷلگەرمەي قالۋى مٷمكٸن, ونى ينتەرنەتتٸڭ ينەسٸنە وتىرعاندار ۇقپايدى", - دەدٸ ارالبايۇلى.
