بٷگٸن, 30 قىركٷيەكتە "قايرات" پەن "رەال مادريد" فۋتبول كلۋبتارىنىڭ اراسىندا تاريحي ماتچ ٶتپەك. قازاقستاندىق كلۋب ٷشٸن بۇل ويىن — ٷلكەن تەجٸريبە الاڭى بولماق. وسىعان وراي سپورت ساراپشىلارى Dalanews.kz اگەنتتٸگٸنە الداعى ويىنعا قاتىستى ٶز بولجامدارىن بٶلٸستٸ.
بەلگٸلٸ سپورت جۋرناليسٸ سەكەن سىبانباي “قايراتتىڭ” جەڭٸسكە جەتۋ مٷمكٸندٸگٸنە كٷمەنمەن قارايتىنىن جەتكٸزدٸ. ايتۋىنشا, بۇل سىن قازاقستاندىق سپورت كلۋبى ٷشٸن وڭايعا سوقپايدى.
""قايراتتىڭ" چەمپيوندار ليگاسىنىڭ نەگٸزگٸ كەزەڭٸنە شىعۋىنىڭ ٶزٸ ٷلكەن ولجا. بۇل - ەۋروپانىڭ مىقتى فۋتبول ۇجىمدارىمەن ويناپ, تەجٸريبە جيناۋ ٷشٸن تاپتىرماس مٷمكٸندٸك. قازاقستان دەڭگەيٸندە ٷزدٸك سانالعانىمەن, "قايراتتىڭ" ەلەمدٸك دەڭگەيدەگٸ كٷشتٸ كوماندالارمەن بەسەكەلەسۋگە قاۋقارى شامالى. ٶتكەندە "سپورتينگتٸڭ" (پورتۋگالييا) ٶزٸ بٸزدٸ شەمٸشكەشە شاعىپ تاستادى. ال ۋەفا رەيتينگٸندە 1-ورىندا تۇرعان "رەالدىڭ" بٸزدٸ تٸپتٸ قارسىلاس قۇرلى كٶرمەسٸ انىق. ەسەپ 0:3 بولادى دەپ ويلايمىن. وندا دا يسپاندىقتار سوعان توقمەيٸلسٸپ, قاناعات قىپ, توقتاپ قالسا. ەيتپەسە ودان دا ٸرٸ ەسەپپەن ماسقارا بولۋىمىز ىقتيمال”, – دەيدٸ ول.
سٶزٸنشە, ويىن بارىسىندا نەگٸزگٸ سالماق قاقپاشى مەن قورعانىسقا تٷسپەك.
""رەالدىڭ" اقبوران شابۋىلىنا تٶتەپ بەرۋ وڭاي ەمەس. جاس قاقپاشىمىزدىڭ قولىنا قۇداي قۋات بەرسٸن دەيٸك. سوروكين, مرىنسكيي, تاپالوۆ سەكٸلدٸ ارتقى شەپ ويىنشىلارى ٷشٸن ٷلكەن سىن بولعالى تۇر. ال العى شەپتەگٸ سەتباەۆ, گرومىكو, جورجينولاردا گول سوعۋعا مٷمكٸندٸك تۋا ما, جالپى ولاردىڭ اياعىنا دوپ تيە مە - بولجاۋ قيىنداۋ. جالپى ويىندى ەلسٸز عانا ٷمٸت ارالاس قاۋٸپپەن كٷتٸپ وتىرمىن”, – دەپ قوستى ساراپشى.
ال سپورت كوممەنتاتورى راۋان وقاس “قايراتتىڭ” جەڭٸسكە جەتۋ ىقتيمالدىعىن 25 پايىز دەپ باعالادى.
“بۇل ويىندا كٶپ گول بولمايدى. بار بولعانى ٷش گول تٸركەلۋٸ مٷمكٸن. ەرٸ كەتسە, بٸر گول ايىرماسىمەن جەڭٸلۋٸمٸز ىقتيمال. ەسەپ 2:1 بولۋى عاجاپ ەمەس”, – دەيدٸ ول.
وقاستىڭ پٸكٸرٸنشە, قازاقستاندىق كلۋبتا داستان سەتباەۆ ەرەكشە كٶزگە تٷسۋٸ مٷمكٸن.
“بۇل ماتچتا شەشۋشٸ رٶل اتقارۋى ىقتيمال ويىنشىلار بار. “رەال” جاعىنان كيليان مباپپە گول سوعۋى ەبدەن مٷمكٸن. ال بٸزدٸڭ قۇرامنان داستان سەتباەۆتىڭ جۇلدىزى جاناتىن كەز كەلدٸ دەپ سەنەمٸن. ول بٸراز ۋاقىتتان بەرٸ چەمپيوندار ليگاسىندا گول سوققان جوق. ىرىمشىل حالىقپىز عوي, بەلكٸم, دەل وسى كەزدەسۋدە جولى اشىلار”, – دەيدٸ ساراپشى.
ول “قايراتتىڭ” تاكتيكاسى جايلى دا سٶز قوزعادى.
“قورعانىسقا تىعىلىپ جاتۋدىڭ پايداسى جوق. “رەال” بەرٸبٸر قورعانىستى بۇزىپ ٶتەدٸ. سوندىقتان شابۋىلداۋعا تيٸس. جەڭٸسكە جەتۋ قيىن, بٸراق تەڭ نەتيجەگە قول جەتكٸزۋگە بولادى”, – دەپ قورىتىندىلادى ول.
سپورت ساراپشىسى ەسەي جەڭٸسۇلى دا قازاقستاندىق كلۋبتىڭ جەڭٸسكە جەتۋ مٷمكٸندٸگٸن تٶمەن باعالادى.
“قايراتتىڭ جەڭٸسكە جەتۋ ىقتيمالدىعى شامامەن 27-37 پايىز ارالىعىندا. بٸراق بۇل از كٶرسەتكٸش ەمەس. ٶيتكەنٸ مۇنداي دەڭگەيدەگٸ قارسىلاسپەن ويناۋ ٷشٸن ەربٸر سەتتٸ تيٸمدٸ پايدالانۋ قاجەت. سپورتينگپەن ٶتكەن كەزدەسۋدەن بٸز قايراتتىڭ ويىنىندا ۇشقىن بار ەكەنٸن بايقادىق. دەمەك, كوماندا ٶزٸن بارىنشا كٶرسەتسە, سەنساتسييا جاساۋعا ەلەۋەتٸ بار. مەنٸڭ جەكە بولجامىم – قايرات 2:1 ەسەبٸمەن جەڭٸسكە جەتۋٸ مٷمكٸن. ەرينە, بۇل وپتيميستٸك كٶزقاراس, بٸراق دەل وسىنداي مٷمكٸندٸكتٸ پايدالانۋ كەرەك”, — دەيدٸ ول.
جەڭٸسۇلى ويىندا شەشۋشٸ رٶل اتقاراتىن ويىنشىلارعا دا توقتالدى.
“نەگٸزگٸ نازار رەالدىڭ كٸل مىقتىلارىنا اۋادى. ەسٸرەسە, كيليان مباپپە مەن دجۋد بەللينگەمنٸڭ ويىنى قايرات قورعانىسىنا ٷلكەن سىن بولماق. قورعاۋشىلارىمىز مباپپەنٸ ۇستاي الا ما – نەگٸزگٸ ساۋالدىڭ بٸرٸ وسى. ال قايرات جاعىنان بويى الاسا, جىلدام ويىنشىلاردى شابۋىل ورتاسىنا قويۋدىڭ قاجەتٸ جوق دەپ ويلايمىن. مەسەلەن, جورجينو مەن داستان سەتباەۆ سەكٸلدٸ فۋتبولشىلاردى قاپتالعا شىعارعان دۇرىس. شابۋىلعا ەدميلسون شىقسا, وعان دين حەيسون, داۆيد الابا, راۋل اسەنسيو, ورەلەن چۋامەني قولداۋ كٶرسەتكەنٸ تيٸمدٸ بولار ەدٸ. جالپى, بۇل ويىندا ەربٸر ويىنشى ٶزٸن ەۋروپاعا تانىتۋعا تيٸس. قازاق دالاسىندا دا تالانتتى فۋتبولشىلار بارىن دەلەلدەۋدٸڭ ناعىز سەتٸ وسى. ٶز باسىم داستان سەتباەۆتان, ۆالەريي گرومىكو جەنە شەرحان قالمىرزادان ٷلكەن ٷمٸت كٷتەمٸن”, — دەيدٸ ول.
ساراپشىنىڭ ايتۋىنشا, “قايرات” ەدەتتەگٸ ويىن ٷلگٸسٸنەن اۋىتقىماۋى تيٸس.
“بٸر شابۋىلشىنى العا شىعارىپ, قاپتالدان قولداۋ كٶرسەتكەنٸ جٶن. بٸراق باستىسى – باس-كٶزسٸز العا ۇمتىلماۋ كەرەك. ٶيتكەنٸ قورعانىس بوساڭسىسا, رەالدىڭ شىعارماشىل ويىنشىلارىنا ەركٸن ٶرٸس بەرٸپ قوياسىڭ. سوندىقتان ەر شابۋىلدى ويلانىپ, ەسەپپەن جاساۋ قاجەت”, — دەپ تٷيٸندەدٸ ول.
ەسكە سالايىق, بۇعان دەيٸن جۋرناليست راۋان وقاس ماتچ ٶتەتٸن ورتالىق ستاديوننىڭ تەڭ جارتىسى "رەال" جانكٷيەرلەرٸ بولۋى مٷمكٸن ەكەنٸن حابارلاعان ەدٸ.
سەبەبٸ 23 000 بيلەتتٸ ساتىپ العاندار:
