بٸز ٶرت سٶندٸرٸپ جاتقاندا كەزدە «ديۆان ساراپشىلاردىڭ» تٷرلٸ جازبا جازاتىنى قىنجىلتادى – نۇرسۇلتان بايمۇعانبەتوۆ ٶرت سٶندٸرۋشٸ
– ٶزٸڭٸز جايلى ايتىپ بەرسەڭٸز?
– ٶرت سٶندٸرۋ سالاسىندا قىزمەت ەتۋ – بالا كٷنگٸ ارمانىم دەپ ايتا الامىن. وعان كٸشكەنتاي كەزٸمدەگٸ بٸر وقيعا سەبەپ بولدى. كٶرشٸلەرٸمٸزدٸڭ ٷيٸنەن ٶرت شىعىپ, ٶرتسٶندٸرۋشٸلەر بٸزدٸڭ اۋىلىمىزعا تەز ارادا كەلگەن بولاتىن. ول كەزدە, ەرينە, بٸلگەن جوقپىن, بٸراق ٶرتسٶندٸرۋشٸلەر اۋىلىمىز الىستا بولسا دا ٶتە جىلدام قوزعالىپ, تەز كەلگەن ەكەن. ولار بٸردەن ٶرتتٸ سٶندٸرە باستادى. شىنىمدى ايتسام قاتتى تاڭعالىپ, قىزىعىپ تا قاراپ قالدىم. سەبەبٸ, بٸز بەرٸمٸز ٶرت كەزٸندە ٷيگە جاقىنداۋدىڭ ٶزٸنە قورقىپ تۇرساق, ٶرتسٶندٸرۋشٸلەر ەش نەرسەدەن قورىقپاي, ادامداردى قۇتقارا باستادى. سول كەزدە ولار مەن ٷشٸن ەش نەرسەدەن قورىقپايتىن, باتىل ادامدار رەتٸندە كٶرٸندٸ. ولاردىڭ ٶرت سٶندٸرٸپ, ادامداردى قۇتقارعانىن ٶز كٶزٸممەن كٶرٸپ, سول سەتتە ٶرتسٶندٸرۋشٸ بولعىم كەلٸپ, ارماندادىم. سول ارمانىما جەتتٸم دەپ ويلايمىن.
– قىزىعى مەن قاۋپٸ قاتار جٷرەتٸن تٶتەنشە جاعدايلار سالاسىن تاڭداعان كەزدە قانداي دا بٸر قورقىنىش بولمادى ما?
– كەز كەلگەن ادامدا قانداي دا بٸر باستاماسىندا قورقىنىش بولارى سٶزسٸز. مەندە دە ول سەزٸم بولدى. بٸراق ول كەزدە مەنٸڭ ەڭ باستى قورقىنىشىم – مەنٸ ٶرتكە قارسى قىزمەت سالاسىنا جۇمىسقا الماي قويادى-اۋ دەگەن وي عانا بولعان شىعار. باسقا اۋىز تولتىرىپ ايتارلىقتاي قورقىنىش بولمادى.
– تٶتەنشە جاعدايلار سالاسىنىڭ ارتىقشىلىعى مەن قيىندىقتارى جايلى ەڭگٸمەلەپ بەرسەڭٸز?
– ٶرتكە قارسى قىزمەتتٸڭ مەن ٷشٸن ارتىقشىلىعى – بۇل ەلٸمٸزدەگٸ №1 قىزمەت. ياعني, كەز كەلگەن تٶتەنشە جاعدايدا بٸز ادامداردى قۇتقارۋداعى, ولاردىڭ قاۋٸپسٸزدٸگٸن قامتاماسىز ەتۋدەگٸ №1 قىزمەتپٸز. ال قيىندىعىنا كەلەر بولساق, ول كەز كەلگەن جۇمىستا بولادى. ال بٸزدٸڭ – ٶرتكە قارسى قىزمەت سالاسى ماماندارىنىڭ جاعدايىندا قىزىل جالىندى سٶندٸرٸپ جاتقان كەزدە, ادامداردى قۇتقارىپ جاتقان كەزدە «ديۆان ساراپشىلار» بٸزدٸڭ جۇمىستى تەرٸستەۋ ٷشٸن ەر تٷرلٸ نەرسەنٸ جازىپ جاتادى. مەن ٷشٸن ەڭ قيىنى, قىنجىلتاتىنى سول عانا شىعار.
– قانداي دا بٸر تٶتەنشە جاعداي تۋرالى حابار تٷسكەندە ەڭ الدىمەن نە ويلايسىز?
– قانداي دا بٸر حابار تٷسكەن كەزدە ەڭ الدىمەن «ادام شىعىنى بولماسا ەكەن, ادامدار امان بولسا ەكەن» دەپ ويلايسىڭ. ٶرتسٶندٸرۋشٸلەر كەلگەنشە ادامدار زارداپ شەگٸپ قالماسا ەكەن دەيسٸڭ. باستىسى سول.
– قىزمەت كەزٸندە باسىڭىزدان ٶتكەن ٸرٸ وقيعا تۋرالى ايتىپ بەرسەڭٸز? قاشان, قاي جەردە بولعان ەدٸ?
– مەنٸڭ تەجٸريبەمدەگٸ ەڭ الاپات جاعداي – 2021 جىلدىڭ قازانىندا بولعان جاعداي. ول كٷنٸ قورام شاتقالىندا ٶرت شىققان بولاتىن. بۇل سول كەزدەگٸ الماتى وبلىسى (قازٸرگٸ جەتٸسۋ وبلىسى) ايماعىنداعى تەكەلٸ قالاسىندا ورنالاسقان. قىزىل جالىن ورماننان شىقتى. ٶرتتٸ بەس-التى كٷن بويى سٶندٸردٸك. سەبەبٸ ول ايماققا تەحنيكانىڭ جەتۋٸ قيىن بولدى. قىلقان اعاشتار ٶرتەندٸ. تابيعات شىعىنى ٶتە كٶپ بولدى. ٶرتتٸ سٶندٸرۋ ٷشٸن تٸكۇشاقتار جۇمىلدىرىلدى. سونىمەن قاتار, جەكە قۇرام كٶپتەپ جۇمىلدىرىلدى. بەس كٷندە ٶرتتٸ سٶندٸرسەك تە سول كەزدە ورمان, تابيعات ٷشٸن ۋايىمدادىم. سەبەبٸ اعاش كٶپ ٶرتەنٸپ كەتكەندٸكتەن شىعىن كٶپ بولدى.
– تٶتەنشە جاعدايلار سالاسىن كەتەمٸن دەگەن ويلار بولمادى ما?
– ٶرت سٶندٸرۋ سالاسىنان كەتۋ تۋرالى وي بولعان ەمەس. سەبەبٸ ارمان جولىما ۇزاق جەتتٸم. ارمانىما جەتتٸم. ەندٸ عانا قىزمەتكە كٸرگەن كەزدە جالاقى از بولاتىن. سول كەزدە تۋىستارىم, جاقىندارىم, تٸپتٸ اتا-اتانام دا رايىمنان قايتارىپ, «ول جۇمىستان كەتسەڭشٸ» دەگەن كەزدەرٸ دە بولعان. بٸراق مەن ول ويدان باس تارتتىم. سەبەبٸ ٶرت سٶندٸرۋ قىزمەتٸ – مەنٸڭ ارمانىم بولاتىن. ال مەن ارمانىمنان باس تارتپايتىن اداممىن.
– بۇل سالاداعى قىزمەتكەر قانداي قاسيەتتەرگە يە بولۋى كەرەك دەپ ويلايسىز?
– ٶرت سٶندٸرۋ قىزمەتٸنٸڭ مامانى بولۋ ٷشٸن ەرٸك-جٸگەرلٸ, باتىل بولۋ كەرەك. سونىمەن قاتار, فيزيكالىق تۇرعىدا دايىن بولۋ قاجەت. بۇل قاسيەتتٸڭ بەرٸ ەڭ الدىمەن سەنٸڭ جۇمىسىڭ – ادامداردى قۇتقارىپ, ازاماتتىق قورعانىسقا جاۋاپتى بولۋ كەرەگٸن تٷسٸنۋ ٷشٸن قاجەت. ٷيدەن, جەرتٶلەدەن ٶرت شىعىپ جاتادى. سول كەزدە ەشتەڭەگە قاراماي, ٶرت شىققان جەرگە كٸرٸپ كەتە الاتىنداي باتىل بولۋ قاجەت. ەرتٷرلٸ جاعداي بولادى. فيزيكالىق دايىندىق اسا ماڭىزدى. سەبەبٸ ٶرت سٶندٸرۋ سالاسى – فيزيكالىق تۇرعىدا مىقتى بولۋدى تالاپ ەتەدٸ. سونىمەن قاتار, ادام پسيحولوگييالىق تۇرعىدا كەز كەلگەن جاعدايعا دايىن بولۋى كەرەك. سەبەبٸ كەيدە ٶرت تۋرالى حابار كەش تٷسٸپ, بٸز ٷلگەرمەي قالاتىن كەز بولادى. نەمەسە تٷنگٸ ۋاقىتتا دا كٶپ ٶرت بولادى. ادام شىعىنى بولاتىن جاعدايلار بولادى. سونىڭ بەرٸنە مامان رەتٸندە دايىن بولۋ كەرەك.
– تٶتەنشە جاعداي كەزٸندە ازاماتتار بٸرٸنشٸ نە ٸستەۋٸ قاجەت: ٶرت كەزٸندە, سۋىقتا قالعاندا, سۋ تاسقىنى نەمەسە جەر سٸلكٸنٸسٸ كەزٸندە ت.ب. جاعدايلاردا, جەكە-جەكە كەڭەس بەرە الاسىز با?
– اپات كەزٸندە ادام ساسقالاقتاماۋى كەرەك, ەڭ الدىمەن سابىر ساقتاۋ قاجەت. ٶزٸنٸڭ ٶمٸرٸن ساقتاپ قالۋدىڭ جولىن تابۋ كەرەك. ٶرت قاۋٸپسٸزدٸگٸن ساقتاۋ كەرەك. مەيلٸنشە ٷيدە كەمەلەتكە تولماعان, كٸشكەنتاي بالالاردى قالدىرماعان جٶن.
– تٶتەنشە جاعداي قىزمەتكەرٸ بولۋ سٸز ٷشٸن نە بەردٸ?
– مەن ٷشٸن ٶرت سٶندٸرۋ قىزمەتٸندە جۇمىس ٸستەۋ – ٷلكەن ماقتانىش پەن ابىروي. سەبەبٸ مارقۇم ەكەم مەنٸڭ ٶرت سٶندٸرۋ قىزمەتٸندە جۇمىس ٸستەگەنٸمدٸ قالايتىن. سوندىقتان مەن ەڭ الدىمەن ەكەمنٸڭ جەنە ٶزٸمنٸڭ ارمانىمدى ورىنداي الدىم دەپ ويلايمىن. سوندىقتان بۇل مەن ٷشٸن ٷلكەن ماقتانىش.
سۇحباتتاسقان اينۇر جۇماحان
