بٸشكەكتٸڭ سۆەردلوۆ اۋداندىق سوتى ٸٸم جول قوزعالىسى قاۋٸپسٸزدٸگٸن قامتاماسىز ەتۋ باس باسقارماسىنىڭ بۇرىنعى ينسپەكتورى باقىت ۋرۋستەموۆتٸ بۇرىنعى ەيەلٸن ٶلتٸرٸپ, ازاپتاعانى ٷشٸن ٶمٸر بويىنا باس بوستاندىعىنان ايىردى. بۇل تۋرالى 17 شٸلدەدە بٸشكەك قالالىق سوتىنىڭ باسپاسٶز قىزمەتٸ حابارلادى, دەپ جازادى dalanews.kz.
سوت مەلٸمەتٸنشە, ۋرۋستەموۆ قىرعىزستان قىلمىستىق كودەكسٸنٸڭ "اسا قاتىگەزدٸكپەن ادام ٶلتٸرۋ" جەنە "بالاعا, دەرمەنسٸز كٷيدەگٸ نەمەسە كٸنەلٸگە ماتەريالدىق نە ٶزگە دە تەۋەلدٸ ادامعا قاتىستى ازاپتاۋ" باپتارى بويىنشا كٸنەلٸ دەپ تانىلدى.
ٶمٸر بويىنا باس بوستاندىعىنان ايىرۋ جازاسىنان بٶلەك, سوت سوتتالعان ازاماتتان جەبٸرلەنۋشٸ تاراپتىڭ پايداسىنا مورالدىق زييان ٷشٸن 1 ميلليون سوم ٶندٸرٸپ الۋ تۋرالى شەشٸم شىعاردى.
قايعىلى وقيعا 2025 جىلعى 23 جەلتوقساندا بولعان. سول كٷنٸ, تۋعان كٷنٸندە قىرعىز ەكونوميكالىق ۋنيۆەرسيتەتٸنٸڭ وقىتۋشىسى جٸبەك ۋرۋستەموۆا اتىپ ٶلتٸرٸلدٸ.
ونىڭ ارتىندا ٷش ۇلى قالدى. ولاردىڭ ەكەۋٸ سول كەزدە باستاۋىش سىنىپتا وقىعان.
بۇل قىلمىس قوعامدا ٷلكەن رەزونانس تۋعىزدى. قىرعىزستاننىڭ ۇلتتىق قاۋٸپسٸزدٸك مەملەكەتتٸك كوميتەتٸ ٸسكە ارالاسقاننان كەيٸن ەكٸ پوليتسييا قىزمەتكەرٸ ۇستالدى.
تەرگەۋ نۇسقاسى بويىنشا, سۆەردلوۆ اۋداندىق ٸشكٸ ٸستەر باسقارماسىنىڭ ۋچاسكەلٸك ينسپەكتورى ايىپتالۋشىنىڭ تۇرعىلىقتى مەكەنجايى بويىنشا تەكسەرۋ جٷرگٸزٸلگەنٸ تۋرالى قۇجاتتاردى كەيٸنگٸ كٷنمەن جالعان رەسٸمدەگەن.
ال بٸشكەك قالالىق ٸشكٸ ٸستەر باس باسقارماسى ارنايى بٶلٸمٸنٸڭ اعا ينسپەكتورى وعان تراۆماتيكالىق تاپانشانى ساقتاۋ جەنە الىپ جٷرۋ رۇقساتىن زاڭسىز بەرٸپ, بٸرنەشە رەت ۇزارتىپ وتىرعان.
