"وزدەرىڭىزگە ءمالىم، كەشە كوروناۆيرۋس جاعدايىنا بايلانىستى ۇكىمەتتە ۆەدومستۆوارالىق كوميسسيانىڭ وتىرىسى ءوتتى. جالپى، قازىرگى كۇنى ەلىمىزدە كوروناۆيرۋس جۇقتىرىپ العان 9 300-دەن استام ادام تىركەلدى. ولاردىڭ اراسىندا 50 پايىزى، ياعني 4 600-دەن استام ناۋقاس جازىلىپ، اۋرۋحانادان شىقتى. وكىنىشكە قاراي، 37 ناۋقاس قايتىس بولدى"، - دەدى مينيستر ورتالىق كوممۋنيكاسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، قازىرگى ۋاقىتتا 4 653 ناۋقاس ەم الىپ جاتىر. ولاردىڭ اراسىندا 355 بالا بار.
"سونىمەن قاتار وسى ناۋقاستاردىڭ 85 پايىزىنىڭ جاعدايى جەڭىل دەڭگەيدە دەپ ايتۋعا بولادى. كوپ ناۋقاس سيمپتومسىز تىركەلگەن. ءبىراق، 13 پايىز نەمەسە 543 ناۋقاستىڭ جاعدايى ورتاشا، 1،5 نەمەسە 58 ناۋقاستىڭ جاعدايى اۋىر. ولاردىڭ ىشىندە 19 ناۋقاس جاساندى تىنىس الۋ اپپاراتىنا قوسىلعان"، - دەدى ەلجان ءبىرتانوۆ.
