اقش-تان كەيٸن ۇلىبريتانييا, نيدەرلاند, يتالييا جەنە گەرمانييا دا ٶز ازاماتتارىنا ۋكرايناعا ساپار شەكپەۋگە كەڭەس بەردٸ. اتالعان مەملەكەتتەر ۋكرايناعا قاتىستى ساياحات جٶنٸندەگٸ ۇسىنىمدارىن جاڭارتقان, دەپ حابارلايدى dalanews.kz.
ەلدەردٸڭ رەسمي ورگاندارى قاۋٸپسٸزدٸككە بايلانىستى بٸرقاتار تەۋەكەلدەردٸ اتاپ ٶتتٸ. اقش بيلٸگٸنٸڭ مەلٸمەتٸنشە, رەسەيدٸڭ زىمىران جەنە درون شابۋىلدارى ۋكراينا اۋماعىنىڭ كەز كەلگەن بٶلٸگٸندە, سونىڭ ٸشٸندە مايدان شەبٸنەن الىس ورنالاسقان ٶڭٸرلەردە دە قاۋٸپ تٶندٸرۋٸ مٷمكٸن. سونىمەن قاتار امەريكالىق ازاماتتارعا ەلدەن شىعۋدىڭ جەكە جوسپارىن الدىن الا ەزٸرلەپ, اقش ٷكٸمەتٸنٸڭ ەۆاكۋاتسيياسىنا سەنٸم ارتپاۋ ۇسىنىلعان.
ۇلىبريتانييا سىرتقى ٸستەر مينيسترلٸگٸ رەسەيدٸڭ زىمىراندىق جەنە دروندىق شابۋىلدارى قاۋپٸ ساقتالىپ وتىرعانىن, سونداي-اق قىس مەزگٸلٸندە ەلەكتر ەنەرگيياسى, سۋ جەنە جىلۋمەن قامتۋدا ۇزاققا سوزىلاتىن ٷزٸلٸستەر بولۋى مٷمكٸن ەكەنٸن ەسكەرتتٸ.
نيدەرلاند بيلٸگٸ رەسەي شابۋىلدارىنا بايلانىستى قاۋٸپتٸڭ جوعارى ەكەنٸن جەنە تٶتەنشە جاعدايدا ەلشٸلٸك تاراپىنان كٶرسەتٸلەتٸن كٶمەكتٸڭ شەكتەۋلٸ بولۋى مٷمكٸن ەكەنٸن مەلٸمدەدٸ. يتالييا ٶز ازاماتتارىنا رەسەيدٸڭ ەۋە شابۋىلدارى قاۋپٸ ۋكراينا اۋماعىنىڭ بارلىق بٶلٸگٸندە ارتقانىن حابارلادى.
ال گەرمانييا رەسەيدٸڭ ەۋەدەن جاسايتىن سوققىلارى كٷشەيۋٸ مٷمكٸن ەكەنٸن اتاپ ٶتتٸ. بۇعان قوسا, ۇلىبريتانييانىڭ سىرتقى ٸستەر مينيسترلٸگٸ ۋكرايناداعى ٶڭٸرلەردٸڭ باسىم بٶلٸگٸن قاۋٸپتٸ ايماق دەپ باعالاپ وتىر. ۆەدومستۆو ەسكەرتۋٸنە قاراماستان ۋكرايناعا بارعان ازاماتتاردىڭ تۋريستٸك ساقتاندىرۋى جارامسىز دەپ تانىلۋى مٷمكٸن ەكەنٸ دە ايتىلعان.
