AQSh-tan keiin Ulybritaniia, Niderland, Italiia jáne Germaniia da óz azamattaryna Ýkrainaǵa sapar shekpeýge keńes berdi. Atalǵan memleketter Ýkrainaǵa qatysty saiahat jónindegi usynymdaryn jańartqan, dep habarlaidy dalanews.kz.
Elderdiń resmi organdary qaýipsizdikke bailanysty birqatar táýekelderdi atap ótti. AQSh biliginiń málimetinshe, Reseidiń zymyran jáne dron shabýyldary Ýkraina aýmaǵynyń kez kelgen bóliginde, sonyń ishinde maidan shebinen alys ornalasqan óńirlerde de qaýip tóndirýi múmkin. Sonymen qatar amerikalyq azamattarǵa elden shyǵýdyń jeke josparyn aldyn ala ázirlep, AQSh úkimetiniń evakýatsiiasyna senim artpaý usynylǵan.
Ulybritaniia Syrtqy ister ministrligi Reseidiń zymyrandyq jáne drondyq shabýyldary qaýpi saqtalyp otyrǵanyn, sondai-aq qys mezgilinde elektr energiiasy, sý jáne jylýmen qamtýda uzaqqa sozylatyn úzilister bolýy múmkin ekenin eskertti.
Niderland biligi Resei shabýyldaryna bailanysty qaýiptiń joǵary ekenin jáne tótenshe jaǵdaida elshilik tarapynan kórsetiletin kómektiń shekteýli bolýy múmkin ekenin málimdedi. Italiia óz azamattaryna Reseidiń áýe shabýyldary qaýpi Ýkraina aýmaǵynyń barlyq bóliginde artqanyn habarlady.
Al Germaniia Reseidiń áýeden jasaityn soqqylary kúsheiýi múmkin ekenin atap ótti. Buǵan qosa, Ulybritaniianyń Syrtqy ister ministrligi Ýkrainadaǵy óńirlerdiń basym bóligin qaýipti aimaq dep baǵalap otyr. Vedomstvo eskertýine qaramastan Ýkrainaǵa barǵan azamattardyń týristik saqtandyrýy jaramsyz dep tanylýy múmkin ekeni de aitylǵan.
