قارجىلىق مونيتورينگ ورگاندارى سۋ تاسقىنىنا بايلانىستى ءتورت ءىس قوزعادى، - دەپ حابارلايدى Dalanews.kz. 

قارجىلىق مونيتورينگ اگەنتتىگى گيدروتەحنيكالىق نىسانداردى سالۋعا بولىنگەن قاراجاتتىڭ جۇمسالۋىن تەكسەرەتىن بولادى. وسىلايشا، قارجىلىق مونيتورينگ ورگاندارى الماتى قالاسىندا، اقتوبە، قىزىلوردا جانە ۇلىتاۋ وبلىستارىندا جىمقىرۋ بەلگىلەرى بويىنشا ءتورت ءىس قوزعادى.

5 ادام كۇدىكتى دەپ تانىلدى. زالالدىڭ جالپى سوماسى 1 ملرد تەڭگەدەن استى.

سونىمەن قاتار، الدىن-الۋ جۇمىستارى زارداپ شەككەندەرگە كومەكتەسۋ ءۇشىن اقشا جيناۋدى جاريالايتىن الاياقتارعا قارسى تۇرۋعا باعىتتالاتىن بولادى.

باعانىڭ وسۋىنە جول بەرمەۋگە ەرەكشە نازار اۋدارۋ تاپسىرىلدى.

ول ءۇشىن ازىق-تۇلىك، اۋىز سۋ، دارى-دارمەك جانە باسقا دا قاجەتتى زاتتار باعاسىنىڭ مونيتورينگى جالعاساتىن بولادى.