«ءوزىم قىزمەت ەتكەن جىلدارى كوپتەگەن قيىن جانە قىزۋ ساتتەرگە تاپ بولدىم، ءتىپتى جاعداي كۇردەلەنىپ، قاقتىعىس باستالىپ كەتەردەي كورىنەتىن.
ءبىراق، ءبىز ءوز بىلىكتىلىگىمىزگە جانە تاراپتاردىڭ سىندارلى ديالوگقا مۇددەلى بولۋىنا بايلانىستى قاشاندا مۇنداي جاعدايلاردان اۋلاق بولا الدىق.
ال بۇگىن مەنى ارسىزدىعىمەن جانە اشۋ-ىزاسىمەن قايران قالدىرعان وقيعا بولدى.
جوق، ماعان قاتىستى ەمەس، مەن ەر اداممىن جانە بىر-ەكى ايەل ءۇشىن شاعىمدانۋ جاراسپايدى. مەنى كوپبالالى انالاردىڭ، ونىڭ ىشىندە مۇگەدەكتىگى بار بالالاردى تاربيەلەپ وتىرعان انالاردىڭ تۋرا سونداي مۇگەدەك ادامعا، دەنساۋلىق ساقتاۋ مينيسترلىگىنىڭ قوعامدىق قابىلداۋ بولمەسىندەگى قىزمەتكەر قىزعا دەگەن قارىم-قاتىناسى تاڭ قالدىردى»، - دەپ جازدى ەرجان بايتانايەۆ Facebook جەلىسىندە.
ونىڭ ايتۋىنشا، ايەلدەر عيماراتقا باسا-كوكتەپ كىرىپ، كىناسىز قىزمەتكەرگە، مۇمكىندىگى شەكتەۋلى ادامعا اگرەسسيا كورسەتكەن. قىزمەتكەردىڭ ولارعا كومەكتەسۋگە تىرىسقانى ءۇشىن دە ءتىل تيگىزىپ، كۇش قولدانا باستاعان.
«وسى ايەلدەردىڭ اشۋىنا تاپ بولعان مۇمكىندىگى شەكتەۋلى قىز سياقتى بالالاردى تاربيەلەپ وتىرعان انالاردىڭ قاتىگەزدىگىنە قايرانمىن.
ەگەر ولار وسىنداي قورعانسىز ادامعا كۇش كورسەتە السا، مۇگەدەكتەردىڭ قۇقىقتارىن قورعاۋدى تالاپ ەتۋى ەكىجۇزدىلىك بولىپ شىقپاي ما؟ مۇمكىندىگى شەكتەۋلى ادامعا انالاردىڭ اگرەسسيا كورسەتۋى دۇرىس پا؟
ءبىز ءارقاشان ديالوگقا جانە ءتيىستى رەاكسياعا، تىڭداۋعا، كومەكتەسۋگە، ىمىراعا كەلۋگە دايىنبىز، ويتكەنى ءبىز زايىرلى جانە قۇقىقتىق مەملەكەتتە ءومىر ءسۇرىپ جاتىرمىز.
مەن بارلىق ازاماتتاردى سانالى بولۋعا شاقىرامىن!
ەگەر سىزدە قانداي دا ءبىر سۇراقتار نەمەسە ماسەلەلەر تۋىنداسا، ءبىز ءاردايىم كەلىسسوزدەر ۇستەلىنە وتىرۋعا جانە اگرەسسيا مەن قورلاۋعا جۇگىنبەستەن ولاردى اشىق شەشۋگە دايىنبىز. ەلىمىزدىڭ ءاربىر ازاماتىنىڭ يگىلىگى مەن دەنساۋلىعى ءۇشىن ءارى قاراي جىلجيمىز!» - دەدى ە. بايتانايەۆ.
