ديالوگ الاڭىنىڭ وتىرىسىنا قاتىسقان «AMANAT» پارتيياسىنىڭ حاتشىسى دەۋلەت كەرٸبەك جاستار ەردايىم وڭ ٶزگەرٸستەردٸڭ سەنٸمدٸ سەرٸگٸ سانالاتىنىن اتاپ ٶتتٸ.
ٶز كەزەگٸندە, عىلىم جەنە جوعارى بٸلٸم مينيسترٸ ساياسات نۇربەك وتاندىق عىلىمدى دەرٸپتەۋ وسى كٷننٸڭ ٶزەكتٸ مٸندەتٸ سانالاتىنىن اتاپ ٶتتٸ.
– پرەزيدەنت ٶز ٷندەۋٸندە بٸلٸمگە دەگەن ۇمتىلىس تۋرالى ايتا كەلٸپ, بولاشاقتىڭ كٸلتٸ تسيفرلىق تەحنولوگييا مەن يننوۆاتسييادا ەكەنٸن جەتكٸزدٸ. سوندىقتان عىلىمدى جاستار ٷشٸن تارتىمدى ەتۋ, ال عىلىمي قىزمەتتٸ بيٸك مانساپقا باستايتىن ترامپلينگە اينالدىرۋ – اسا ماڭىزدى, – دەپ اتاپ ٶتتٸ مينيستر.
مەجٸلٸس دەپۋتاتى, «AMANAT» پارتيياسى فراكتسيياسىنىڭ مٷشەسٸ يۋلييا كۋچينسكايانىڭ ايتۋىنشا, ٶمٸردٸڭ بارلىق سالاسى تەرەڭ ترانسفورماتسييادان ٶتٸپ جاتقان دەۋٸردە ٸرگەلٸ قۇندىلىقتار اسا ماڭىزدى ورىن الادى.
– بۇل تۋرالى مەملەكەت باسشىسى ٶزٸنٸڭ بەينەٷندەۋٸندە دە ايتقان بولاتىن. پاتريوتيزم – بۇل ادامنىڭ ارقاۋى, ونىڭ ٶزٸن-ٶزٸ تانۋى جەنە ەلەمدە ٶز ورنىن تابا بٸلۋٸ. بٸلٸم مەن ەڭبەكقورلىققا ۇمتىلۋ – ٶز جوسپارىڭدى جٷزەگە اسىرۋ مەن جەتٸستٸككە جەتۋدٸڭ نەگٸزٸ. مەملەكەتتٸك ساياساتتىڭ بٷگٸنگٸ مٸندەتٸ – ەلٸمٸزدٸڭ قالالارى مەن اۋىلدارىندا, ٶڭٸرلەرٸندە تۇرىپ جاتقان جاستاردىڭ جاعدايى مەن ٶمٸر ساپاسىنداعى سەيكەسسٸزدٸكتەردٸ ازايتۋ, – دەپ اتاپ ٶتتٸ دەپۋتات.
اقپارات جەنە قوعامدىق دامۋ ۆيتسە-مينيسترٸ الەكساندر دانيلوۆتىڭ ايتۋىنشا, قازٸر پاتريوت ەرٸ بەي-جاي قاراۋدى بٸلمەيتٸن ۇرپاقتىڭ ۋاقىتى كەلدٸ.
– مەن ٷشٸن پاتريوتيزم دەگەنٸڭٸز ۇعىنىقتى, بۇلجىمايتىن, اۋقىمى كەڭ دٷنيە. بولىپ جاتقان جاعدايعا, مەسەلەن ەدٸلەتسٸزدٸكە نەمقۇرايلى قاراماۋ دەگەن سٶز. ال بەي-جاي قاراي الماۋ – ٶمٸر شىندىعىنا اينالۋى تيٸس جاستاردىڭ يدەياسى مەن ٸستەرٸ, – دەپ قوستى سپيكەر.
– ٶزٸن-ٶزٸ تۇراقتى دامىتۋ, بٸلٸم الۋعا ۇمتىلۋ – قازٸرگٸ زامان ازاماتى ٷشٸن اسا قاجەت قاسيەتتەر. بٷگٸندە ٶزگەرٸستەر ٶتە جىلدام جٷرٸپ جاتىر. سوندىقتان جاڭا زامان جاستارى ەلەۋمەتتٸك تۇرعىدا يكەمدٸ بولۋى قاجەت. ياعني, قوسىمشا بٸلٸم الۋعا, جاڭا ماماندىقتى يگەرۋگە جىلدام بەيٸمدەلۋ ماڭىزدى. ال «جاستار رۋحى» ەلٸمٸزدٸڭ ەڭ ٸرٸ جاستار ۇيىمى رەتٸندە ٶسكەلەڭ ۇرپاقتىڭ ٶزەكتٸ مەسەلەلەرٸن شەشۋ ٷشٸن بار كٷش-جٸگەرٸن, ەلەۋەتٸن جۇمسايدى, – دەدٸ نۇرجان جەتپٸسباەۆ.
تالقىلاۋعا پارلامەنت مەجٸلٸسٸنٸڭ دەپۋتاتتارى, ٷكٸمەت مٷشەلەرٸ, ٷكٸمەتتٸك ەمەس ۇيىمداردىڭ, جاستار ۇيىمدارىنىڭ كٶشباسشىلارى جەنە تاعى باسقالار قاتىستى.
