Dialog alańynyń otyrysyna qatysqan «AMANAT» partiiasynyń Hatshysy Dáýlet Káribek jastar árdaiym oń ózgeristerdiń senimdi serigi sanalatynyn atap ótti.
Óz kezeginde, Ǵylym jáne joǵary bilim ministri Saiasat Nurbek otandyq ǵylymdy dáripteý osy kúnniń ózekti mindeti sanalatynyn atap ótti.
– Prezident óz úndeýinde bilimge degen umtylys týraly aita kelip, bolashaqtyń kilti tsifrlyq tehnologiia men innovatsiiada ekenin jetkizdi. Sondyqtan ǵylymdy jastar úshin tartymdy etý, al ǵylymi qyzmetti biik mansapqa bastaityn tramplinge ainaldyrý – asa mańyzdy, – dep atap ótti ministr.
Májilis depýtaty, «AMANAT» partiiasy fraktsiiasynyń múshesi Iýliia Kýchinskaianyń aitýynsha, ómirdiń barlyq salasy tereń transformatsiiadan ótip jatqan dáýirde irgeli qundylyqtar asa mańyzdy oryn alady.
– Bul týraly Memleket basshysy óziniń beineúndeýinde de aitqan bolatyn. Patriotizm – bul adamnyń arqaýy, onyń ózin-ózi tanýy jáne álemde óz ornyn taba bilýi. Bilim men eńbekqorlyqqa umtylý – óz josparyńdy júzege asyrý men jetistikke jetýdiń negizi. Memlekettik saiasattyń búgingi mindeti – elimizdiń qalalary men aýyldarynda, óńirlerinde turyp jatqan jastardyń jaǵdaiy men ómir sapasyndaǵy sáikessizdikterdi azaitý, – dep atap ótti depýtat.
Aqparat jáne qoǵamdyq damý vitse-ministri Aleksandr Danilovtyń aitýynsha, qazir patriot ári bei-jai qaraýdy bilmeitin urpaqtyń ýaqyty keldi.
– Men úshin patriotizm degenińiz uǵynyqty, buljymaityn, aýqymy keń dúnie. Bolyp jatqan jaǵdaiǵa, máselen ádiletsizdike nemquraily qaramaý degen sóz. Al bei-jai qarai almaý – ómir shyndyǵyna ainalýy tiis jastardyń ideiasy men isteri, – dep qosty spiker.
– Ózin-ózi turaqty damytý, bilim alýǵa umtylý – qazirgi zaman azamaty úshin asa qajet qasietter. Búginde ózgerister óte jyldam júrip jatyr. Sondyqtan jańa zaman jastary áleýmettik turǵyda ikemdi bolýy qajet. Iaǵni, qosymsha bilim alýǵa, jańa mamandyqty igerýge jyldam beiimdelý mańyzdy. Al «Jastar Rýhy» elimizdiń eń iri jastar uiymy retinde óskeleń urpaqtyń ózekti máselelerin sheshý úshin bar kúsh-jigerin, áleýetin jumsaidy, – dedi Nurjan Jetpisbaev.
Talqylaýǵa Parlament Májilisiniń depýtattary, Úkimet músheleri, úkimettik emes uiymdardyń, jastar uiymdarynyń kóshbasshylary jáne taǵy basqalar qatysty.
