– ٶكٸنبەيمٸن. بۇل ەشقانداي دا ٶكٸندٸرەتٸن شەشٸم ەمەس. كەرٸسٸنشە دۇرىس شەشٸم بولدى دەپ ويلايمىن. ٶيتكەنٸ, قارۋلى قاراقشىلار الماتىنى قيراتىپ, ٶزگە قالالارعا قاۋٸپ تٶندٸردٸ. وسى قارۋلى كونتينگەنت بولماسا, لاڭكەستەر باسقا دا قالالاردى باسىپ الار ەدٸ.
قارۋلى شايقاستار تالدىقورعاندا, تارازدا, شىمكەنتتە, قىزىلوردادا ورىن الدى. ەلوردادا لاڭكەستەردٸڭ دايىندىق جۇمىستارى بايقالدى, ولار, تٸپتٸ, اقورداعا شابۋىل جاساۋعا دايىن بولدى.
كەيبٸر بەدەلدٸ ساراپشىلار ايتۋىنشا, لاڭكەستەر قازاقستاننىڭ باستى ەكٸ قالاسىن باسىپ الۋدى جوسپارلاعان. بۇل سيريياداعى ستسەنارييگە ۇقساس جوسپار. سول ەلدە لاڭكەستەر داماسك پەن راككانى باسىپ الۋعا ەرەكەتتەنگەن ەدٸ.
ۇجىمدىق قاۋٸپسٸزدٸك شارت ۇيىمىنىڭ ەسكەرلەرٸ بٸزدٸڭ ەلدە بٸر دە بٸر وق اتقان جوق. ونى اشىق ايتۋ كەرەك. ولار تەك نەگٸزگٸ ستراتەگييالىق نىسانداردى كٷزەتٸپ تۇردى. وسى كەزدە بٸزدٸڭ كٷشتٸك قۇرىلىمدار ٸسكە كٸرٸسٸپ, قارۋلى لاڭكەستەرگە توسقاۋىل قويدى. ارامىزدا تەك تىعىز بايلانىس پەن ٷيلەسٸم بولدى.
ال ەندٸ «پۋتينگە قارىز بوپ قالدىق» دەگەنگە كەلسەك, بۇل – بوس ەڭگٸمە. ونى دوعارۋ كەرەك. بٸرٸنشٸدەن, ۇجىمدىق قاۋٸپسٸزدٸك تۋرالى شارت ۇيىمىنىڭ كونتينگەنتٸ ۆ.پۋتيننٸڭ نەمەسە رەسەيدٸڭ جەكە ەسكەرٸ ەمەس. بۇل ۇيىمنىڭ ەسكەري قۇرامى وعان مٷشە ەلدەردٸڭ بەرٸنە ورتاق. وندا رەسەيدەن بٶلەك, بەلارۋس, ارمەنييا, تەجٸكستان جەنە قىرعىزستاننىڭ ەسكەري بٶلٸمدەرٸ بار. قازاقستان دا – وسى ۇيىمنىڭ تولىققاندى مٷشەسٸ ەرٸ نەگٸزٸن قالاۋشىسى. سوندىقتان, بەرٸ – زاڭدى, قيسىندى, – دەپ كٶكەيدەگٸ ويىن ايتىپ بەردٸ.
