تالعاردا بٸر توپ بۇزاقىنىڭ قولىنان قازا تاپقان مارقۇم شەرزاتتىڭ ەكەسٸ قارجاۋباي نۇرىموۆ مەلٸمدەمە جاسادى, دەپ حابارلايدى Dalanews.kz.
“قۇرمەتتٸ, قازاق ەلٸ! سٸزدەردٸڭ الدارىڭىزدا باسىمدى يەمٸن! مەنٸ قولداپ, بالام ٷشٸن قول ۇشىن بەرٸپ جاتقاندارىڭىزعا كٶپ راقمەت! مەن قوناەۆتاعى الماتى وبلىسىنىڭ پوليتسييا دەپارتامەنتٸنٸڭ عيماراتىنا كەلدٸم. ول جەردە ٸس وڭ جاعىنان قارالىپ جاتىر. بٸزگە ادۆوكاتتار كٶمەكتەسۋدە. مارقۇم بولعان سالتاناتتىڭ اعاسىنىڭ دا (ايتبەك امانگەلدٸ) كٶمەگٸ بار. ول كٸسٸگە دە ەرەكشە راقمەت! العىسىم شەكسٸز”, - دەدٸ ول.
مارقۇمنىڭ ەكەسٸ حالىقتان كٶتەرٸلٸسكە شىقپاۋىن ٶتٸندٸ.
“ٶتٸنٸشٸم بار, حالقىم. ەشقانداي ميتينگٸگە, قانتٶگٸس بولماسىن. مەن بار جەردە بٸر شوعىرلانعان ادامدار كەلٸپ, سول سەتتٸ مەنٸڭ دۇشپاندارىم پايدالانۋى مٷمكٸن. كٶتەرٸلٸس جاساپ, مەنٸ اياقتان شالىپ, باۋىرىما قاستاندىق جاساۋ ٷشٸن سونداي بولۋى مٷمكٸن. سول سەبەپتٸ حالقىم ٶتٸنٸپ سۇرايمىن, ەشقانداي كٶتەرٸلٸس ەمەس, ٶز قاعيدام: زاڭ اياسىندا دۇرىس, ەدٸل شەشٸم سۇرايمىن. ارتىق ەشتەڭە سۇرامايمىن. شىنى كەرەك, قانداي دا بٸر اقپاراتتار بولىپ جاتسا, ٶزٸم عانا بٶلٸسەمٸن. ۆيدەوجازباعا, اۋديوجازباعا, سۋرەتتەر, فوتولارعا سەنبەڭٸزدەر. كٸم كەلسە دە, قانداي جاعداي بولسىن سٶيلەسە الام, ٶز باسىما جاۋاپ بەرە الام. ال وتباسىمنىڭ جەكە قاۋٸپسٸزدٸگٸ ۋايىمداتادى”, - دەدٸ قارجاۋباي نۇرىموۆ.
ونىڭ سٶزٸنشە, كٷدٸكتٸلەردٸڭ تاراپىنان بٸرنەشە رەت قورقىتۋ بولعان.
“مەنٸ بٸر ەمەس, بٸرنەشە رەت قورقىتتى. الىپ كەتۋلەر بولدى. تەلەفونمەن دە. “زاڭگەرمٸز, ادۆوكاتپىز, بٸرگە وقىپ ەدٸك” دەپ كەلٸپ, الداپ, مەنٸ دالاعا شاقىرىپ الىپ, قورقىتۋلار بولعانى راس”, - دەدٸ مارقۇمنىڭ ەكەسٸ.
وسى تۇستا ول اشىق سوتتى تالاپ ەتەتٸنٸن جەتكٸزدٸ.
“حالقىمنان سۇرايتىنىم – ەش قان تٶگٸلمەسٸن. اشىق سوت بولۋىن تالاپ ەتەم. اشىق سوت بولسا, وڭ شەشٸم بولادى. ەش ارانداتۋعا تٷسپەڭٸزدەرشٸ. انالار جىلاماسىن, بالالاردىڭ قانى تٶگٸلمەسٸن. باۋىرلارىم, جٸگٸتتەر, اراندامايىقشى, الدانىپ قالمايىق. جوعارىداعى اعالار دا زاڭ اياسىندا قولعا الىپ جاتىر. ەرتەڭ استانادان, ٸٸم-نەن ادام كەلەدٸ دەپ ايتىلدى. سول ايتارىم. بالام ٶلدٸ. ەندٸ مەن باسقا بالالاردىڭ بولاشاعى جاقسى بولسىن دەپ تٸلەيمٸن. نيەتٸم دە, ارمانىم دا وسى”, - دەدٸ ول.
ەسكە سالايىق, بۇعان دەيٸن تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم كٶز جۇمدى. جانجال جٸگٸتتٸڭ وتباسى جالعا الاتىن دٷكەننەن باستالعان. تۋىستارىنىڭ ايتۋىنشا, ساۋدا نٷكتەسٸنە كەلگەن ساتىپ الۋشى سىرا الىپ, اقشاسىن تٶلەۋدەن باس تارتقان. وسى جاعدايدان كەيٸن تٶبەلەس باستالعان.
كەمەلەتكە تولماعان بالانى ٶلتٸرۋ فاكتٸسٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى.
قازٸرگٸ تاڭدا كٸنەلٸ دەپ تانىلعان 7 ادام ۇستالىپ, ۋاقىتشا ۇستاۋ يزولياتورىنا قاماۋعا الىنعان.
