جەتىسۋ وبلىسىنىڭ اكىمى بەيبىت يسابايەۆتان مەملەكەتتىك قىزمەتتەگى "كوماندالىق اۋىسۋ" تاجىريبەسى تۋرالى سۇرادى، - دەپ حابارلايدى Dalanews.kz.
"ءسىز جەتىسۋ وبلىسىنا جۇمىسقا بارعان كەزدە استانادان وزىڭىزبەن بىرگە باسشىلىق قىزمەتتەرگە قانشا ادام الىپ كەلدىڭىز؟ كومانداڭىزدى ەرتىپ اپاردىڭىز با؟" – دەپ جۋرناليستەر وكق بريفينگىندە شەنەۋنىكتەن سۇرادى.
بۇل سۇراققا جاۋاپ بەرگەن اكىم يسابايەۆ وزىمەن بىرگە كوماندا الىپ كەلمەگەنىن مالىمدەدى.
"مەن وزىممەن بىرگە ءبىر ادامدى – سەنات دەپۋتاتى بولعان كەزىمدە بىرگە جۇمىس ىستەگەن كومەكشىمدى عانا الىپ كەلدىم. ول ءالى كۇنگە دەيىن مەنىڭ كومەكشىم بولىپ جۇمىس ىستەپ جاتىر. باسقا ەشكىمدى الىپ كەلگەن جوقپىن. بارلىق باسشىلىقتاعى كادرلار – بۇل جەتىسۋ وبلىسىنىڭ تۇرعىندارى. مىسالى، مەنىڭ ورىنباسارىم مەن اپپارات باسشىسى ءوز مانسابىن جەتىسۋ وبلىسىندا باستاعان، كەيىن استانا مەن الماتىعا جۇمىسقا كەتكەن. ءبىراق مەنىڭ ۇسىنىسىممەن قايتا وڭىرگە ورالدى"، – دەپ مالىمدەدى ءوڭىر باسشىسى.
وبلىس اكىمى وزىنە باعىناتىن بارلىق قىزمەتكەرلەردىڭ، ونىڭ ىشىندە اۋدان اكىمدەرىنىڭ دە جەرگىلىكتى كادرلار ەكەنىن قايتالاپ ايتتى.
"مەنەن باسقا، الماتى وبلىسىندا تۋعان ەشكىم مۇندا جۇمىس ىستەمەيدى. سوندىقتان "كوماندالىق" اۋىسۋ تۋرالى اڭگىمەلەر – بۇل وتكەننىڭ سارقىنشاعى جانە مۇنداي ادىستەردى مەن ەشقاشان قولدانبايمىن"، – دەپ قورىتىندىلادى يسابايەۆ.
