رەسەيدە شەتەل ازاماتتارىنىڭ بيومەترييالىق دەرەكتەرٸن جيناۋ بويىنشا پيلوتتىق جوبا ٸسكە قوسىلعالى بەرٸ شامامەن 70 مىڭ ادامعا ەل اۋماعىنا كٸرۋگە رۇقسات بەرٸلمەگەن. بۇل تۋرالى رەسەي ٸشكٸ ٸستەر مينيسترلٸگٸ مەلٸمدەدٸ, دەپ حابارلايدى dalanews.kz.
بيومەترييالىق سەيكەستەندٸرۋ جٷيەسٸ 2024 جىلعى 1 جەلتوقساننان باستاپ مەسكەۋدەگٸ شەرەمەتەۆو, دومودەدوۆو جەنە جۋكوۆسكيي ەۋەجايلارىندا, سونداي-اق ورىنبور وبلىسىنداعى ماشتاكوۆو ٶتكٸزۋ بەكەتٸندە سىناق رەجيمٸندە ەنگٸزٸلگەن. اتالعان بەكەت قازاقستاننىڭ باتىس قازاقستان وبلىسىنداعى «سىرىم» شەكارا پۋنكتٸنە قارسى ورنالاسقان.
مينيسترلٸكتٸڭ مەلٸمەتٸنشە, وسى ۋاقىت ارالىعىندا اتالعان باقىلاۋ-ٶتكٸزۋ بەكەتتەرٸ ارقىلى شامامەن 14 ميلليون شەتەلدٸك ٶتكەن. سونىڭ ٸشٸندە 70 مىڭعا جۋىعى رەسەيگە كٸرۋگە تىيىم سالىنعان تۇلعالار تٸزٸمٸنە ەنگٸزٸلگەن.
بيىل ماۋسىم ايىندا بيومەترييالىق جٷيە تاعى 11 باقىلاۋ-ٶتكٸزۋ پۋنكتٸندە ٸسكە قوسىلدى. ولار سانكت-پەتەربۋرگ, كراسنويارسك, ەكاتەرينبۋرگ, يركۋتسك, قورعان, ساراتوۆ, ومبى, ورىنبور وبلىستارى, التاي ٶلكەسٸ جەنە باسقا دا ٶڭٸرلەردەگٸ شەكارا بەكەتتەرٸن قامتيدى.
