Reseide shetel azamattarynyń biometriialyq derekterin jinaý boiynsha pilottyq joba iske qosylǵaly beri shamamen 70 myń adamǵa el aýmaǵyna kirýge ruqsat berilmegen. Bul týraly Resei Ishki ister ministrligi málimdedi, dep habarlaidy dalanews.kz.
Biometriialyq sáikestendirý júiesi 2024 jylǵy 1 jeltoqsannan bastap Máskeýdegi Sheremetevo, Domodedovo jáne Jýkovskii áýejailarynda, sondai-aq Orynbor oblysyndaǵy Mashtakovo ótkizý beketinde synaq rejiminde engizilgen. Atalǵan beket Qazaqstannyń Batys Qazaqstan oblysyndaǵy «Syrym» shekara pýnktine qarsy ornalasqan.
Ministrliktiń málimetinshe, osy ýaqyt aralyǵynda atalǵan baqylaý-ótkizý beketteri arqyly shamamen 14 million sheteldik ótken. Sonyń ishinde 70 myńǵa jýyǵy Reseige kirýge tyiym salynǵan tulǵalar tizimine engizilgen.
Biyl maýsym aiynda biometriialyq júie taǵy 11 baqylaý-ótkizý pýnktinde iske qosyldy. Olar Sankt-Peterbýrg, Krasnoiarsk, Ekaterinbýrg, Irkýtsk, Qorǵan, Saratov, Omby, Orynbor oblystary, Altai ólkesi jáne basqa da óńirlerdegi shekara beketterin qamtidy.
