ءماجىلىس جۇمىسىنا رەكتور تاكير بالىقبايەۆ، ق ر ءبىلىم جانە عىلىم مينيسترلىگىنىڭ، جوو مەن ۇكىمەتتىك ەمەس، ارنايى ءبىلىم بەرۋ ۇيىمدارىنىڭ وكىلدەرى قاتىستى. ءىس-شارا بارىسىندا ۋنيۆەرسيتەت پروفەسسور-وقىتۋشىلار قۇرامىنىڭ «ارنايى پەداگوگيكا» ماماندارىن دايارلاۋ باعىتى جانە ينكليۋزيۆتى ءبىلىم بەرۋ بويىنشا وقۋ-ادىستەمەلىك جانە عىلىمي ەڭبەكتەرىنىڭ كورمەسى ۇيىمداستىرىلدى.
ءماجىلىستى اشقان اباي اتىنداعى قازۇپۋ رەكتورى تاكير بالىقبايەۆ شارانىڭ ماڭىزدىلىعىن اتاپ ءوتتى.
– بۇگىنگى تاڭدا ءبىلىم بەرۋ جانە پەداگوگيكالىق كادرلاردى، سونىڭ ىشىندە ارنايى پەداگوگتاردى دايارلاۋدا وزەكتى ماسەلەلەر كوپ. مەملەكەت باسشىسى قازاقستان حالقىنا ارناعان «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىندا مۇمكىندىگى شەكتەۋلى بالالاردى قولداۋ، ينكليۋزيۆتى قوعام قۇرۋ ءبىزدىڭ جۇمىسىمىزدىڭ باسىم باعىتتارىنىڭ ءبىرى بولۋى ءتيىس دەپ مالىمدەدى. بۇگىنگى تاڭدا جوعارى دەفەكتولوگيالىق ءبىلىم بەرۋدىڭ تيىمدىلىگىن جوعارىلاتۋدىڭ وزەكتىلىگى ارنايى جانە ءبىلىم بەرۋ مەكەمەلەرىندەگى مۇمكىندىگى شەكتەۋلى بالالارمەن جۇمىس جاساۋداعى مۇعالىمدەردىڭ ايماقتىق قاجەتتىلىكتەرىن ەسكەرە وتىرىپ، ونى يكەمدى جانە جىلدام قايتا قۇرۋ ءۇشىن رەفورمالاۋ ماسەلەسىن شەشەدى. بۇل جاعدايدا جوعارى ءبىلىم جۇيەسىنىڭ دەفەكتولوگيامەن جانە ارنايى بىلىممەن ءوزارا ارەكەتتەسۋ مەحانيزمىن جاساۋ قاجەت، – دەدى رەكتور.
رەكتور سونىمەن قاتار ينكليۋزيۆتى ءبىلىم بەرۋ جۇيەسى تەك ەلىمىزدە عانا ەمەس، بۇكىل الەمدە دە وزەكتى ەكەنىن اتاپ ءوتتى.
– ءبىلىم بەرۋدى ىزگىلەندىرۋ وقىتۋ مەن تاربيەلەۋ ۇدەرىسىندە بالانىڭ دامۋىنا، تانىمدىق قىزىعۋشىلىعى مەن جەكە باسىنىڭ دامۋىنا ىقپال ەتەتىن وقىتۋ ادىستەرى مەن فورمالارىن قولدانۋدى تالاپ ەتەدى. قوعامداستىقتى دامىتۋدىڭ نەگىزگى ءپرينسيپى-اربىر ادامنىڭ وزدەرىنىڭ ءبىلىم الۋ قاجەتتىلىكتەرىن قاناعاتتاندىرۋ جانە ساپالى بازالىق ءبىلىم الۋ قۇقىقتارىن قامتاماسىز ەتۋ. بۇل ماسەلەنى ىسكە اسىرۋ بارىسىندا وبەكتيۆتى كەدەرگىلەر بار، مىسالى، دەفەكتولوگتاردىڭ، لوگوپەدتەردىڭ، تاربيەشىلەردىڭ جانە كوپ دەڭگەيلى باعدارلامالاردىڭ جەتىسپەۋشىلىگى، ەرەكشە كۇتىمدى قاجەت ەتەتىن بالالارمەن قارىم-قاتىناس جاساۋداعى ءمۇعالىمنىڭ كاسىبي بىلىكتىلىگىنىڭ تومەندىگى، ماتەريالدىق بازاسى ءالسىز، ينكليۋزيۆتى ءبىلىم بەرۋ جاعدايىندا پەداگوگيكالىق پروسەستى جوسپارلاۋ، ۇيىمداستىرۋ، جوبالاۋ جانە دامىتۋ جانە ت.ب. سۋبەكتيۆتى سەبەپتەردىڭ كۇشەيۋىنە بايلانىستى ادىستەمەلىك دايىندىقتىڭ جەتكىلىكسىزدىگى. جالپى، ەلدەگى ينكليۋزيۆتى ءبىلىمنىڭ قاجەتتىلىكتەرىن ەسكەرە وتىرىپ، وسى ءبىلىم بەرۋ ۇدەرىسىنە قاتىسۋشىلاردىڭ كاسىبي قۇزىرەتتىلىگىن دامىتۋعا باعىتتالعان وقىتۋ جۇيەسى جەتىلدىرۋدى قاجەت ەتەدى، – دەدى ت.بالىقبايەۆ.
[caption id="attachment_50559" align="aligncenter" width="791"]
![](/uploads/images/20240127203804896.jpg)
ءماجىلىس بارىسىندا «اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ارنايى پەداگوگيكا ماماندارىن دايارلاۋ باعىتى بويىنشا ءبىلىم بەرۋ باعدارلامالارىن جۇزەگە اسىرۋ تاجىريبەسى مەن پەرسپەكتيۆالارى»، «قازاق ۇلتتىق قىزدار پەداگوگيكالىق ۋنيۆەرسيتەتىندە ارنايى پەداگوگيكا ماماندارىن دايارلاۋ ماسەلەلەرى مەن پەرسپەكتيۆالارى»، «ەموسيالىق-ەرىك سفەراسى بۇزىلعان بالالارمەن جۇمىستا قولدانبالى مىنەز-قۇلىقتى تالداۋدىڭ ءرولى»، «دەفەكتولوگ مامانداردىڭ كاسىپتىك ءبىلىم بەرۋدەگى وزەكتى ماسەلەلەرى»، «مۇمكىندىگى شەكتەۋلى تۇلعالار ءۇشىن جوعارى وقۋ ورىندارىندا ءبىلىم بەرۋ ورتاسىنىڭ قولجەتىمدىلىگىن تالداۋ» تاقىرىپتارىندا باياندامالار جاسالدى.
ماجىلىستە اباي اتىنداعى قازۇپۋ-دا ارنايى پەداگوگيكا ماماندارىن دايارلاۋدىڭ ءبىلىم بەرۋ باعدارلامالارىن جۇزەگە اسىرۋدىڭ تاجىريبەسى مەن بولاشاعى تالقىلانىپ، مۇمكىندىگى شەكتەۋلى جاندار ءۇشىن ۋنيۆەرسيتەتتەردەگى ءبىلىم بەرۋ ورتاسىنىڭ قول جەتىمدىلىگىنە تالداۋ جاسالدى.
اباي اتىنداعى قازۇپۋ-دا مۇعالىمدەردى دايارلاۋدىڭ وزەكتى ماسەلەلەرىن شەشۋدە 2019 جىلى «XXI عاسىر ءمۇعالىمىنىڭ پورترەتى» جاسالعانىن اتاپ ءوتۋ كەرەك. جاڭا بۋىن پەداگوگتارىن دايىنداۋ ماقساتىندا ۋنيۆەرسيتەتتە 129 ءبىلىم بەرۋ باعدارلاماسى ەنگىزىلگەن. ينكليۋزيۆتى ءبىلىم بەرۋگە ەرەكشە كوڭىل ءبولىنىپ، تۇزەۋ پەداگوگيكاسىنىڭ ۇلتتىق عىلىمي-پراكتيكالىق ورتالىعىمەن جانە اقىل-ەسىنىڭ جانە ءبوي-بىتىمىنىڭ جەتىلۋىندە كەمىستىگى بار بالالار مەن جاسوسپىرىمدەردى الەۋمەتتىك بەيىمدەۋ جانە كاسىبي ەڭبەكپەن وڭالتۋ ورتالىعىمەن تىعىز بايلانىستا پەداگوگيكالىق كادرلاردى دايارلاۋعا ارنالعان «ينكليۋزيۆتى ءبىلىم بەرۋ» ءپانى بويىنشا وقۋ باعدارلاماسى ازىرلەنىپ، ۇسىنىلدى. اباي اتىنداعى قازۇپۋ بازاسىنداعى قازاقستان رەسپۋبليكاسى وقۋ ورىندارىندا ينكليۋزيۆتى ءبىلىم بەرۋ بويىنشا رەسۋرستىق كەڭەس بەرۋ ورتالىعى ينكليۋزيۆتى ءبىلىم بەرۋ سالاسىندا مۇعالىمدەردىڭ بىلىكتىلىگىن ارتتىرۋ جوباسىن جۇزەگە اسىرۋدا. ۋنيۆەرسيتەت مەكتەپتەرمەن تىعىز بايلانىستا جۇمىس ىستەۋدىڭ جاڭا ادىستەرىن مەڭگەرۋدە. بيىلعى وقۋ جىلىنان باستاپ ۋنيۆەرسيتەتتىڭ ءار وقىتۋشىسى ورتا ءبىلىم بەرۋ ۇيىمدارىندا 30 ساعات جۇمىس ىستەيدى.
ريمما جانبايەۆا