بىلتىر اقپان ايىندا تەلەجٷرگٸزۋشٸ اسقازان جاراسى شىعىپ, دەرٸگەرلەردٸڭ ونى ەكٸنشٸ رەت امان الىپ قالعان ەدٸ. سول دەرت اقىرى اياۋلى ازاماتتى ارامىزدان الىپ كەتتٸ.
بەيسەن قۇرانبەك – 1971 جىلدىڭ 9 جەلتوقسانىندا الماتى وبلىسى, كەربۇلاق اۋدانى, قىزىلجار اۋىلىندا دٷنيەگە كەلگەن.
«قازاقستان» ۇلتتىق ارناداعى «ايتۋعا وڭاي», «قارەكەت» باعدارلامالارىنىڭ جٷرگٸزۋشٸسٸ بولعان. «ايتۋعا وڭاي» باعدارلاماسى 2017 جىلى, ال «قارەكەت» باعدارلاماسى 2019 جىلى ماۋسىمدا اياقتالعان ەدٸ. سوڭعى ۋاقىتتا بەيسەن قۇرانبەك «جەتٸسۋ» تەلەارناسىنىڭ ديرەكتورى قىزمەتٸن اتقاردى.
بارشا تۋىستارىنا, ەرٸپتەستەرٸمٸزگە قايعىرىپ كٶڭٸل ايتامىز!
