گيرين پروۆينسياسىنىڭ چانچۋن قالاسىندا تۇراتىن قازاقستاندىق ەكاتەرينا الييەۆا، وندا شىنىمەن نە بولىپ جاتقانىن ايتتى دەپ حابارلايدى Dalanews.kz Zakon.kz-كە سىلتەمە جاساپ.
بەتپەردەنى توننالاپ ساتىپ الىپ جاتىر، ءقازىر ونى تاپپاي جۇرگەندەر دە كوپ.
ونىڭ ۇستىنە ءقازىر - جاڭا جىل، بۇل مەرەكەدە قىتايلاردىڭ كوپشىلىگى تۋعان-تۋىستارىنىڭ ۇيىنە كىرىپ، ءبىر-بىرىن قۇتتىقتايدى. بۇكىل ەل ارلى-بەرلى جوڭكىپ كەتەدى بۇل كەزدە، ءقاۋىپتىسى دە سول. سوندىقتان دا سوڭعى كەزدە تۇسىنىكسىز ۆيرۋستى جۇقتىرعانداردىڭ سانى كۇرت ارتقان، - دەدى ول.
ونىڭ ايتۋىنشا، تەلەديداردا ۆيرۋس تۋرالى مۇلدە ايتىلمايدى.
- تەكسەرۋ ءجۇرىپ جاتقان جوق، ۆيرۋس تۋرالى اقپارات جاريا ايتىلمايدى. بارلىق مەكتەپتەر، دۇكەندەر - ءبارى دە جابىق، جۇمىس ىستەمەيدى، ءتىپتى تاكسي، اۆتوبۋس جانە مەترو دا جۇمىسىن باسەڭدەتكەن. ۆيرۋس تۋرالى اقپارات تەك مەسسەندجەر ارقىلى تاراۋدا.
تەلەفونىندا VPN بەلگىسى بارلار حالىقارالىق سايتتاردان ورىس جانە اعىلشىنشا اقپاراتتاردىڭ سكرينشوتتارىن الىپ، بىر-بىرىنە لاقتىرىپ جاتىر.
ۆيرۋس تۋرالى بىلەتىندەر سىرتقا شىعۋعا قورقىپ، ۇيىندە وتىر.
