بالا كەزٸمنەن بەتاشاردان وسى ەرەكشەلٸكتەردٸ كٶرٸپ دەستٷردٸڭ قاسيەتٸن سەزٸنٸپ, ەرقاشان بەتاشارعا بارۋعا اسىق بولىپ ٶستٸم. ٶزٸم دە دەنٸ ەزٸلدەن تۇراتىن بەتاشار جازىپ, بەت اشتىم. ەلٸ كٷنگە كەيبٸر ەزٸل ٶلەڭدەردٸ كەزٸككەندە كەلٸندەر مەن كٶرٸپ ەستٸگەندەر قىزىق ەتٸپ ايتىپ جٷرۋشٸ ەدٸ...
ال قازٸر شە? ەۋەلٸ توي يەسٸ (اپامشا ايتسام, التىن باستى ادام الاتىن جاق) جەنە اسابا اراسىندا بەتاشارعا بايلانىستى ساۋدالاسۋ باستالادى. ونى ۇيات ساناۋ باياعىدا قالعان. سوسىن كەيبٸر وتباسىلار قازاقتا جوق سالتپەن ەكٸ رەت بەت اشتىرادى (بٸرٸن ٷيدە, بٸرٸن مەيرامحانادا). ونىسىن بولماشى سىلتاۋمەن تٷسٸندٸرگٸسٸ كەلەدٸ. بٸز ٶسكەن اۋىلدا ەكٸ رەت بەت اشپاق تٷگٸلٸ ەكٸ باس كيٸمدٸ بٸرٸنٸڭ ٷستٸنە بٸرٸن كيگٸزبەيتٸن-دٸ.
ال كٶپتەگەن قانداستارىمىز تەك مەيرامحانادا اشادى. بۇل كٶپشٸلٸككە قىزىق سىيلاۋ بولعانىمەن, ارعى جاعى, اساباعا بەرەر اقشانى ٷنەمدەۋگە باعىتتالعان باقاي قۋلىق جاتقانى بەلگٸلٸ. ويلاڭىزىشى, كەلٸن ەلدەبٸر تويحانا مەن مەيرامحاناسىنا كەلٸن بوپ تٷسە مە? بۇل قازاقى ىرىمعا سالساق – جامان ىرىم. ٶتە جامان ىرىم. مٷمكٸن, كەلٸن بوپ تٷسٸپ كەلساپ بوپ شوشىتىپ, اللادان قورىقپاي, اتا-انانىڭ نامىسىن جەرگە جىعىپ سۇمدىق ٸستەر جاساپ, اجىراپ كەتۋدٸڭ بٸر سىرى وسىندا جاتقان شىعار?
بەتاشاردى كٸم جەنە قالاي اشىپ جاتىر? جاتتاندى ٶلەڭمەن بولسا دا بەت اشتىرىپ قۇتىلساڭىز بولدى دەپ سانايسىز با?
[caption id="attachment_31459" align="aligncenter" width="650"]
ەسٸرەسە بٸرنەشە جٷز ادامنىڭ اتىن جازىپ, بٸرٸن قالدىرماي اتاۋعا مەجبٷرلەيتٸن توي يەلەرٸنٸڭ كٶكەيٸن تەسكەن اقشا ەمەي نەمەنە? ەيتپەسە, قازاقى سالتتا كەلٸن تەك ٶزٸنەن ٷلكەن جەنە كٷيەۋٸنە ەڭ جاقىن تۋىستارعا عانا سەلەم سالعان (كٶشەدەگٸ كەز كەلگەن ٶز تۋىسى ەمەس ٷلكەندەرگە سەلەم سالۋ – ناعىز تەكتٸ كەلٸننٸڭ عانا قولىنان كەلەدٸ). ال بەتاشاردا كٷيەۋٸنٸڭ دوستارى, ٸنٸ-قارىنداستارى, ۇجىمى, تٸپتٸ بەسٸكتەن بەلٸ شىقپاعان سەبيگە دە ەڭكەيتەدٸ. سەلەم سالدىرۋدىڭ قۇنىن وسىلاي تٶمەندەتكەندٸكتەن كەلٸندەرٸمٸزدٸڭ دەستٷردەن جەرۋٸ پايدا بولعان جوق پا?
دۇرىسى, جاقىن جاماعايىنعا, ەڭ سىيلى ٷلكەندەرگە سەلەم سالدىرۋ ورىندى (سونىڭ ٶزٸ قولدان كەلمەي جٷر عوي). قاپتاعان قالىڭ نٶپٸردٸڭ اتىن اتاپ كٶپٸرگەنشە, ەۋلەتتەگٸلەردٸڭ جاقسى قاسيەتٸن جىرلاپ, شىنايى (بەيەدەپسٸز) ەزٸلگە كٶبٸرەك كٶڭٸل بٶلٸنسە تٶل ٶنەردٸڭ ٶمٸرشەڭدٸگٸ ارتىپ, نەگٸزگٸ ماقساتى ورىندالار ەدٸ.
جٷزدەگەن ادامدى اتاپ, ودان تٷسكەن اقشاعا قۇنىعۋ – تاماق قۇرعاتىپ, قارىن اشىرىپ قانا قويماي قادٸرٸن قاشىرىپ, قاسيەتتٸ دەستٷردٸڭ مەن-ماڭىزىن جويادى.
ٶز باسىم, جوعارداعىداي بەتاشارعا تاپ بولسام تۇرا قاشقىم كەلەدٸ. سٶيتەم دە, اۋىلدا, قاسيەتتٸ قارا شاڭىراقتا, اق بوساعادا اڭقىلداعان اعايىننىڭ اراسىندا ٶتەتٸن شىنايى بەتاشاردى جيٸ ساعىنام...
جارقىن سەلەنۇلى
