الماتى وبلىسى, بەساعاش اۋىلىنىڭ تۇرعىندارى پرەزيدەنتكە جەنە پرەمەر-مينيسترگە ٸلە-الاتاۋ مەملەكەتتٸك قورىق ايماعىندا زاڭسىز جۇمىستار جٷرگٸزٸلٸپ جاتقانىن حابارلادى. اۋىل تۇرعىندارىنىڭ ايتۋىنشا, «جەر قورى – جايىلىم» ماقساتىندا جەر ۋچاسكەسٸنٸڭ يەسٸ 5 گەكتارعا جۋىق قۇنارلى توپىراق قاباتىن الىپ تاستاعان, بۇل ۆيدەوجازبالاردا كٶرٸنەدٸ, دەپ حابارلايدى Dalanews.kz.
تۇرعىندار جەردٸڭ يەسٸ مەن مەردٸگەرلەردە تيٸستٸ رۇقسات قۇجاتتارى جوق, ال ۋچاسكە قاۋٸپتٸ ايماقتا ورنالاسقان, سوندىقتان ارالاسۋ قاۋٸپتٸ بولۋى مٷمكٸن ەكەنٸن راستاپ وتىر. بۇعان دەيٸن ٶتكٸزٸلگەن جيىن جەنە ەكٸمدٸكتٸڭ 2026 جىلدىڭ سەۋٸرٸنە دەيٸن بۇزۋشىلىقتاردى جويۋ تۋرالى نۇسقاۋىنا قاراماستان, جۇمىستار 2025 جىلدىڭ قاراشاسىندا قايتا باستالىپ, بۇرىنعىدان دا اۋقىمدى جٷرگٸزٸلگەن.
اۋىل تۇرعىندارىنىڭ ايتۋىنشا, جەر يەسٸ بٸر جىل بۇرىن بيۋدجەت قاراجاتىنا سالىنعان قار سۋىن اعىزۋ كانالىن دا بۇزعان. تۇرعىندار مەملەكەتتٸك ورگاندار مەن پوليتسييانىڭ شاعىمدارعا جەتكٸلٸكتٸ جاۋاپ بەرمەي وتىرعانىن ايتىپ, تەكسەرۋ جٷرگٸزۋدٸ تالاپ ەتەدٸ.
«مٷمكٸن, جەر يەسٸ ٶتە ىقپالدى ادام شىعار», – دەيدٸ اۋىل تۇرعىندارى.
بۇل وقيعاعا مەجٸلٸس دەپۋتاتى باقىتجان بازاربەك پٸكٸر بٸلدٸردٸ.
«جاقىن ارادا مەن ٶزٸم بارىپ كٶرەتٸن بولامىن. بۇل فاكتٸ تۋرالى مەن ٸشكٸ ٸستەر مينيسترٸ سەدەنوۆكە ەكٸ رەت حابارلادىم. قىلمىستىق ٸس قوزعالۋى تيٸس ەدٸ. مٷمكٸن, ايماقپەن شاتاسىپ كەتكەن شىعارمىن. ەگەر قاتەلەسكەن بولسام, جاقىن ارادا بارىپ, تەكسەرەمٸن», – دەدٸ دەپۋتات.
