اباي وبلىسىنىڭ ەكٸمٸ بەرٸك ۋەلي سەمەيدەگٸ حالىق جيٸ باراتىن دەمالىس ورىندارىن ارالاپ, اسپالى كٶپٸردە جٷرگٸزٸلٸپ جاتقان جٶندەۋ جۇمىستارىنىڭ بارىسىمەن تانىستى,- دەپ حابارلايدى Dalanews.kz
قازٸرگٸ ۋاقىتتا وبلىس ورتالىعىنىڭ قوس جاعالاۋىن بايلانىستىرىپ تۇرعان اسپالى كٶپٸردٸڭ اسفالت جابىنىن تولىق اۋىستىرۋ جۇمىستارى قارقىندى جٷرگٸزٸلۋدە. مامانداردىڭ ايتۋىنشا, اسفالت جابىنىن قىرىپ الۋ اياقتالۋعا جاقىن. ەرتەڭنەن باستاپ كٶلٸك ٶتكەلٸنە ارنايى ماتەريال تٶسەۋ جۇمىستارى باستالادى. بۇل جۇمىس وسى سالانىڭ بٸلٸكتٸ ماماندارىنىڭ قاتىسۋىمەن, كٶپٸرلەرگە ارنالعان تەحنولوگييالار بويىنشا جٷرگٸزٸلەدٸ.
اسفالتتى اۋىستىرۋعا 80-گە جۋىق جۇمىسشى جەنە 20-دان استام ارنايى تەحنيكا تارتىلعان. جوبا بويىنشا جٶندەۋ جۇمىستارى شٸلدە ايىنىڭ باسىندا اياقتالادى دەپ جوسپارلانىپ وتىر.
ايماق باسشىسى سول جاعالاۋداعى كٶپٸر استىنداعى قوعامدىق كەڭٸستٸكتٸ كٶردٸ. مۇندا مۋرالدار بەينەلەنٸپ, بٸرنەشە سپورتتىق الاڭدار ورناتىلعان. امفيتەاتر, فۋد-كورت جەنە وتباسىلىق مەيرامحانا بار. الايدا اباتتاندىرۋ, كٶگالداندىرۋ جۇمىستارى سىن كٶتەرمەيدٸ.
وبلىس ەكٸمٸ بەيبٸتشٸلٸك ارالىنداعى بالالار تەمٸرجولىن, ەتنواۋىلدى, سپورت ايماقتارىن, ەسكەرتكٸشتەر ورنالاسقان اۋماقتاردى ارالاپ كٶردٸ. قالا تۇرعىندارى مەن قوناقتارى كٶپ كەلەتٸن دەمالىس ورنىندا بٸرقاتار مەسەلەلەر بار. ەسٸرەسە كٶگالداندىرۋ جۇمىسى كٶڭٸل كٶنشٸتپەيدٸ. اعاشتار سۋعارىلماي, قۋراپ كەتكەن. قاراۋسىز قالعان. قوعامدىق دەرەتحاناعا, قىزمەت كٶرسەتۋ ورىندارىنىڭ ازدىعىنا بايلانىستى حالىق تاراپىنان جيٸ شاعىم ايتىلادى.
ايماق باسشىسى حالىق ەڭ كٶپ كەلەتٸن ەكٸ دەمالىس ورنىنداعى كٶگالداندىرۋ جۇمىستارىن سىنعا الىپ, سەمەي قالاسى ەكٸمٸنٸڭ مٸندەتٸن اتقارۋشى بەكجان باپىشەۆقا تازالىققا جاۋاپتى مەكەمەلەردٸڭ جۇمىسىن رەتكە كەلتٸرۋدٸ تاپسىردى.
«بٷگٸن سەمەيدەگٸ حالىق ەڭ كٶپ كەلەتٸن دەمالىس ورىندارىن ارنايى ارالاپ, جاعدايىمەن تانىستىم. سول جاعالاۋداعى كٶپٸر استىنداعى قوعامدىق كەڭٸستٸكتٸ دە, بەيبٸتشٸلٸك ارالىن دا تەزٸرەك رەتكە كەلتٸرۋ كەرەك. تازالىققا جاۋاپتى مەكەمە ٶز جۇمىسىنا سالعىرت قاراعان. اعاشتار سۋعارىلماعان. كٶگالدار سارعايىپ, كٷيٸپ كەتكەن. تەحنيكالار ادامدار دەمالىپ وتىراتىن ورىندىقتارعا زاقىم كەلتٸرگەن. قوقىس جينالماعان. بۇل ەكٸ ورىن دا قالاداعى حالىق ەڭ كٶپ كەلەتٸن جەرلەر. قالا ەكٸمٸنٸڭ مٸندەتٸن اتقارۋشى بەكجان باپىشەۆقا قيراعان, زاقىم كەلگەن دٷنيەلەردٸ قالپىنا كەلتٸرۋدٸ تاپسىرامىن»,- دەدٸ وبلىس ەكٸمٸ.
