اباي وبلىسىنىڭ ەكٸمٸ بەرٸك ۋەلي سەمەي قالاسىن دامىتۋ بويىنشا كەڭەس ٶتكٸزدٸ,- دەپ حابارلايدى Dalanews.kz
قالا ەكٸمٸ, وبلىستىڭ تيٸستٸ باسقارما جەنە شاھاردىڭ بٶلٸم باسشىلارى قاتىسقان جيىندا وبلىس ورتالىعىن اباتتاندىرۋ, كٶگالداندىرۋ, جولداردى جٶندەۋ, ساياباقتاردى, مەدەني-تاريحي عيماراتتاردى جاڭعىرتۋ, سالۋ جايى تالقىلاندى.
«ەندٸ ەر اپتا سايىن سەمەي قالاسىن دامىتۋ, كٶركەيتۋ بويىنشا وسىنداي كەڭەس ٶتكٸزٸپ وتىرامىز. شاھاردى ٶركەندەتۋ بويىنشا جوبا-جوسپارلاردى تالقىلايمىز. قالادا قوردالانعان مەسەلە كٶپ. الدا ٷلكەن جۇمىس كٷتٸپ تۇر. سول شارۋالاردى تٸزە قوسىپ, بٸرلەسە شەشۋٸمٸز كەرەك. سەمەي – وبلىستىڭ ايناسى. اۋدان-اۋىلدار وبلىس ورتالىعىنا قاراپ بوي تٷزەيدٸ. قالا سوعان ساي بولۋى كەرەك. ونىڭ ٷستٸنە بيىل – اباي قۇنانبايۇلىنىڭ 180 جىلدىعى. پرەزيدەنت قاسىم-جومارت توقاەۆ «ۇلى ابايدىڭ مەرەيتويىن لايىقتى اتاپ ٶتۋٸمٸز كەرەك» دەپ تاپسىرعان بولاتىن. دايىندىق شارالارىن كٷشەيتۋٸمٸز كەرەك»,- دەدٸ وبلىس ەكٸمٸ.
كەڭەستە سەمەي قالاسىنىڭ ەكٸمٸ تالعات مۇراتوۆ بيىلعا جوسپارلانعان جوبالار تۋرالى باياندادى. ايماق باسشىسى شاھاردى اباتتاندىرۋ باعىتىنداعى باستالعان جۇمىستى جالعاستىرىپ, ٶزەكتٸ مەسەلەلەردٸ شەشۋ, ينۆەستيتسييا تارتۋ بويىنشا ناقتى جوسپار ەزٸرلەۋدٸ تاپسىردى.
