بەردەنوۆكە جاسالعان شابۋىل: كۋەگەر سوتتا نە دەدٸ?

شىمكەنت ەكٸمٸنٸڭ ورىنباسارى رۋسلان بەردەنوۆكە جاسالعان قاستاندىق ٸسٸ بويىنشا سوت وتىرىسىندا كۋەلەردەن جاۋاپ الىنىپ جاتىر, دەپ حابارلايدى Dalanews.kz.

Ulysmedia.kz مەلٸمەتٸنشە, سوتتا كۋە اراي قامىتبەكوۆا سول كٷنٸ ەكٸمدٸك الدىندا مىلتىق اتىلعاننان كەيٸن پوليتسييا شاقىرعانىن ايتقان. ول سول كٷنگٸ وقيعانى بىلاي دەپ سيپاتتادى:

"بۇل كٸسٸ سول ادامدارعا قاراتا وق اتتى. بٸرٸنشٸ وق اتىلعاندا مەن بٸردەن 102 باتىرماسىن باسىپ, پوليتسييا قىزمەتكەرلەرٸنە باياندادىم, وسىنداي-وسىنداي ەكٸمدٸك الدىندا دەپ. سولاي بايانداپ جاتقاندا ۋاقىتتا ٷش-تٶرت رەت تاعى دا وق اتىلدى. ول كەزدە كلاسسيكا كيٸنگەن كٸسٸ جٷگٸرٸپ جٷردٸ. بۇل كٸسٸ ارتىنان قۋالاپ جٷردٸ. سول كەزدە ماشينادا بٸر ەر كٸسٸ بولدى. سول كٸسٸ بۇل كٸسٸنٸ تارتىپ قۇلاتتى جەرگە. بۇل كٸسٸ قۇلاعاننان كەيٸن مەنٸڭ قۇربىم سول جاققا قاراي جٷگٸردٸ. مەن 102 قىزمەتكەرٸنە تٷسٸندٸرە الماي جاتىرمىن. ولار سۇراق قويا باستادى. مەن ترۋبكانى قويامىن. بۇل كٸسٸنٸ ەكٸمدٸكتەن شىققان كٸسٸلەر جەرگە جاتقان جەرٸندە تەرٸس قاراتىپ ۇستاپ تۇر ەكەن. جەردە جاراقاتتانىپ جاتقان كٸسٸگە بارامىن. سول كٸسٸنٸڭ الدىندا وتىرامىن. سول كەزدە بٸر ەستٸگەن سٶزٸم "ول مەنٸڭ ەيەلٸم ەدٸ عوي" دەدٸ مە, سونداي سٶز شىقتى. "سەنٸڭ كەسٸرٸڭنەن مەن قازٸر سوتتان كەلە جاتىرمىن" دەدٸ نەمەسە "سوتقا شاعىمدانىپ جاتىرمىن" دەدٸ. بۇل كٸسٸنٸ كٷشتەپ جاتقان كەزدە "ٶلتٸرەمٸن" دەپ سول كٸسٸگە قاراي وقتالىپ, ورنىنان تۇرماقشى بولدى. ٷش-تٶرت كٸسٸ بۇل كٸسٸنٸ ۇستاپ تۇردى. سول ارالىقتا پوليتسييا قىزمەتكەرلەرٸ كەلدٸ", – دەدٸ ول.

بۇعان دەيٸنگٸ جاعداي

ەسكە سالايىق, بۇعان دەيٸن رۋسلان بەردەنوۆ سوتقا كەلۋگە مٸندەتتەلگەنٸ حابارلاندى. سوت وتىرىسىندا سۋديا ەبٸنۇر قاراباەۆ رۋسلان بەردەنوۆتٸ 6 تامىزعا جوسپارلانعان نەگٸزگٸ سوت پروتسەسٸنە مٸندەتتٸ تٷردە قاتىسۋعا شاقىردى.