شىمكەنت قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قالا ەكٸمٸنٸڭ ورىنباسارى رۋسلان بەردەنوۆكە جاسالعان قاستاندىق تۋرالى ٸس بويىنشا سوت وتىرىسى باستالدى, دەپ حابارلايدى Dalanews.kz.
بٷگٸنگٸ سوت وتىرىسىندا نە بولىپ جاتىر?
ايىپتالۋشى ەرنار جيەمباي بۇل ەرەكەتكە قىزمەت بارىسىنداعى ارازدىق ەمەس, جەكە باستىڭ مەسەلەسٸ, انىعىراق ايتقاندا قىزعانىش سەبەپ بولعانىن مەلٸمدەدٸ.
جيەمباي ٶزٸنە تاعىلعان ايىپتى مويىنداپ, ەل اراسىندا تاراعان تٷرلٸ قاۋەسەتتٸ جوققا شىعارۋعا تىرىستى.
"مۇنى حالىقتىڭ, قوعامنىڭ انىق بٸلگەنٸن قالايمىن. بۇل جايتتىڭ جۇمىسپەن بايلانىسى جوق. بارلىعى قىزعانىشتان تۋىندادى", – دەدٸ ول.
ايىپتالۋشىنىڭ ايتۋىنشا, ەيەلٸمەن التىنشى سىنىپتان بەرٸ تانىس. ول جۇبايىنىڭ ادال ەكەنٸنە سەنٸمدٸ ەكەنٸن, ەلەۋمەتتٸك جەلٸدە تاراپ جٷرگەن ەڭگٸمەلەردٸڭ شىندىققا جاناسپايتىنىن جەتكٸزدٸ.
"ەيەلٸم – تەربيەلٸ, كٶرگەندٸ وتباسىنان شىققان ادام. ونىڭ بٶتەن ەر ازاماتتارمەن ورىنسىز قارىم-قاتىناس جاساعانىن ەشقاشان كٶرمەپپٸن", – دەدٸ جيەمباي.
جيەمباي وتباسىندا اۋتيزم دياگنوزىمەن تۋعان ۇلى بار ەكەنٸن ايتتى. بٸر كٶشەدە دەل وسىنداي دياگنوزى بار بالا ٶسٸرٸپ وتىرعان وتباسى تۇرعان. ولار بەردەنوۆتٸڭ تۋىستارى ەكەن. وسى سەبەپتەن جيەمبايدىڭ ەيەلٸ وسى وتباسىنىڭ مٷشەلەرٸمەن جاقىن ارالاسقان, بالالارىن بٸرگە دامىتۋ ورتالىقتارىنا اپارىپ جٷرگەن.
"ەيەلٸم بەردەنوۆپەن بٸرنەشە وتىرىستا داستارحانداس بولعان", – دەيدٸ ايىپتالۋشى.
وقيعاعا تٷرتكٸ بولعان جايتتاردىڭ بٸرٸ جيەمباي ەيەلٸنٸڭ تەلەفونىنا بەردەنوۆ حابارلاما جازىپ, "سەن ەدەمٸسٸڭ" دەگەنٸ ەكەنٸن العا تارتتى.
"ەيەلٸمنٸڭ تەلەفونىنان رۋسلان بەردەنوۆتٸڭ حابارلاماسىن كٶرٸپ قالدىم. "سەن ەدەمٸسٸڭ" دەپ جازعان, لايك قويعان. ەۋەلدە جامان ويىم بولعان جوق. مەن دە قارىنداستارىما وسىنداي سٶز ايتامىن", – دەيدٸ ول.
ايىپتالۋشى شابۋىلعا تاعى بٸر سەبەپ بولعان وقيعانى باياندادى. ايتۋىنشا, وقيعادان بٸر كٷن بۇرىن بەردەنوۆتٸڭ قابىلداۋىنا بارماق بولىپ, ەيەلٸنەن كيٸمٸن دايىنداۋدى سۇراعان. بٸراق ٷيٸنە كەلگەندە ەيەلٸ كيٸمدٸ ەزٸرلەپ ٷلگەرمەگەن, تٸپتٸ كٶيلەگٸن ٷتٸكپەن كٷيدٸرٸپ العانىن كٶرگەن.
"مەن كەشٸگٸپ جاتىرمىن. ال سول كەزدە ەيەلٸم ماعان رۋسلان بەردەنوۆتٸڭ قالاي كيٸنەتٸنٸن ايتا باستادى. ونىڭ بەس ميلليون تەڭگەلٸك كوستيۋمدەرٸ ۇناپ قالىپتى. بۇل دا قاستاندىق جاساۋىما سەبەپ بولدى دەپ ويلايمىن", – دەدٸ جيەمباي سوت وتىرىسىندا.
ٸس سوتتا مەملەكەتتٸك تٸلدە, اشىق تٷردە قارالىپ جاتىر.
بۇعان دەيٸنگٸ جاعداي
ەسكە سالايىق, بۇعان دەيٸن رۋسلان بەردەنوۆ سوتقا كەلۋگە مٸندەتتەلگەنٸ حابارلاندى. سوت وتىرىسىندا سۋديا ەبٸنۇر قاراباەۆ رۋسلان بەردەنوۆتٸ 6 تامىزعا جوسپارلانعان نەگٸزگٸ سوت پروتسەسٸنە مٸندەتتٸ تٷردە قاتىسۋعا شاقىردى.
سەبەبٸ رۋسلان بەردەنوۆ الدىن الا تىڭداۋعا ٶزٸ كەلمەگەن ەدٸ. ونىڭ ٶكٸلٸ رۋسلان بەردەنوۆ ەم قابىلداپ جاتقانىن مەلٸمدەدٸ.
ەكٸمدٸك ماڭىنداعى اتىس تۋرالى
21 سەۋٸردە شىمكەنت قالاسى ەكٸمدٸگٸ عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. ارتىنشا كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى, بۇل دەرەك بويىنشا قىلمىستىق ٸس قوزعالدى.
بۇل ٸس بويىنشا باستى كٷدٸكتٸ - ەرنار جيەمباي. اشىق فورماتتا ٶتكەن الدىن الا تىڭداۋ كەزٸندە سۋديا جيەمبايدىڭ سوت پروتسەسٸ بارىسىندا ٶزٸن تٷسٸرۋگە قارسى ەكەنٸن جەتكٸزدٸ.
