بەنزين تاپشىلىعى – بوزىمباەۆقا سٶگٸس جارييالانباق
پرەمەر-مينيستر بۇعان قوسا ەنەرگەتيكا ۆيتسە-مينيسترٸ ەسەت ماعاۋوۆتى قىزمەتٸنەن بوساتىپ, "قازمۇنايگاز" ۇلتتىق كومپانيياسىنىڭ ۆيتسە-پرەزيدەنتٸ دانييار بەرلٸباەۆتٸ ورنىنان الۋعا تاپسىرما بەردٸ.
ٷكٸمەت جيىنىندا قازاقستانداعى بەنزين تاپشىلىعىنا قاتىستى سٶيلەگەن قانات بوزىمباەۆ ەلدە بەنزين "تاپشىلىعى جوعىن" ايتىپ, بۇل سٶزدٸ قولدانۋدىڭ مٷلدەم دۇرىس ەمەسٸن مەلٸمدەگەن. "كەشەگٸ كٷنٸ ەلدە ايماقتاردا, مۇناي بازالارىندا جەنە جولدا 138 مىڭ توننا اي-92 ماركالى بەنزينٸ بولدى. باعا ەڭ الدىمەن نارىقتا رەسەيدٸڭ قىمبات بەنزينٸنٸڭ ٷلەسٸ ارتقاندىقتان كٶتەرٸلدٸ" – دەگەن بوزىمباەۆ.
بٸراق ساعىنتاەۆ مينيستردٸڭ تٷسٸنٸكتەمەسٸن "سىلتاۋ, جاۋاپكەرشٸلٸكتەن قاشۋ" دەپ, قابىلداي المايتىنىن ايتتى. ول بوزىمباەۆ سٶگٸس جارييالاۋ تۋرالى پرەزيدەنتكە ۇسىنىس جاسايتىنىن, ال ۆيتسە-مينيستر ەسەت ماعاۋوۆتى قىزمەتٸنەن بوساتاتىنى تۋرالى شەشٸم قابىلداعانىن ايتتى.
پرەمەردٸڭ سٶزٸنشە, مينيسترلٸك پاۆلودار مۇناي ٶڭدەۋ زاۋىتىندا جٶندەۋ جۇمىستارى كٶكتەمنەن كٷزگە اۋىستىرىلاتىنىن, ەكٸ مۇناي ٶڭدەۋ زاۋىتى بٸرٸنەن سوڭ بٸرٸ جٶندەۋگە جابىلاتىنىن بٸلگەنٸمەن, تيٸستٸ شارا جاساماعان.
قازاقستاندا بٸرنەشە كٷننەن بەرٸ بەنزين تاپشىلىعى بايقالىپ وتىر. "قازمۇنايگاز" ۇلتتىق مۇناي كومپانيياسىنىڭ جانارماي بەكەتٸندە وتىندى تەك تالونمەن بەرٸپ جاتىر. كەي بەكەتتەردە كٶلٸكتەر ۇزىن-سونار كەزەكتە تۇر.
