بٷگٸن قوستاناي پوليتسيياسى “فوند-بيۋرو راسسلەدوۆانييا كوررۋپتسيي” تەلەگرام ارناسىنىڭ باسشىسى كيريلل پاۆلوۆتى ۇستادى. بۇل تۋرالى بلوگەر ٶزٸنٸڭ Facebook پاراقشاسىندا مەلٸمدەدٸ, دەپ حابارلايدى Dalanews.kz.
“مەن قوستانايعا ٸسساپارمەن باردىم. تاڭەرتەڭ پوليتسييا پەتەرٸمە كەلٸپ, مەنٸ “تٷسٸنٸكتەمە الامىز” دەگەن جەلەۋمەن پوليتسييا باسقارماسىنا الىپ كەتتٸ”, — دەپ جازدى پاۆلوۆ.
Dalanews.kz تٸلشٸسٸ وقيعانىڭ مەن-جايىن بٸلۋ ٷشٸن بلوگەرگە حابارلاستى. پاۆلوۆتىڭ ايتۋىنشا, وعان قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق كودەكسٸنٸڭ 456-2-بابىنىڭ 4-بٶلٸمٸ بويىنشا ٸس قوزعالعان.
“قازٸر پوليتسييا عيماراتىندا سوت ٶتكٸزۋ جوسپارلانىپ وتىر”, — دەدٸ ول.
بلوگەردٸڭ سٶزٸنشە, ۋچاسكەلٸك ينسپەكتور نە ٷشٸن ونلاين-پلاتفورما قولدانۋشىلارىنا ارنالعان نورمانى قولدانىپ جاتقاندارىن تٷسٸندٸرمەگەن. سونداي-اق رەسمي بۇيرىقتان الىنعان اقپاراتتى جارييالاعانى ٷشٸن ونىڭ دەرەگٸ نەلٸكتەن جالعان دەپ تانىلعانىن دا ناقتىلاماعان.
ٸستٸڭ مەن-جايى
ٸس "Sunkar Eavision International LLP" جشس كومپانيياسىنىڭ ارىزى بويىنشا قوزعالعان. العاشىندا ارىز باس رەداكتورعا قارسى بەرٸلسە, كەيٸن قر ەقبك 456-2-باپ ("جالعان اقپارات تاراتۋ") بويىنشا پاۆلوۆقا قاتىستى ەكٸمشٸلٸك ٸس اشىلعان.
كومپانييا جۋرناليستەردٸ دروندار باعاسىن بۇرمالادى دەپ ايىپتاعان: فيرما جارييالاعان اقپارات بويىنشا درون 7,1 ملن تەڭگەگە ۇسىنىلعان, بٸراق كەلٸسٸم 8 ملن تەڭگەگە جاسالعان.
دەگەنمەن بۇل مەلٸمەت رەسمي حاتتان الىنعان (اۋىل شارۋاشىلىعى مينيسترلٸگٸنٸڭ مەملەكەتتٸك ينسپەكتسييا كوميتەتٸ تٶراعاسىنىڭ مٸندەتٸن اتقارۋشى س. قانىبەكوۆتٸڭ 2024 جىلعى 10 جەلتوقسانداعى №18-18/1602-ۆن حاتى) جەنە قازىنالىق مەملەكەتتٸك ساتىپ الۋ پورتالىندا جارييالانعان.
"ٸس ماتەريالى باستاپقىدا استانا پروكۋراتۋراسىنا جٸبەرٸلگەنٸمەن, بەلگٸسٸز سەبەپتەرمەن قايتادان پوليتسييا بٶلٸمٸندە قارالۋدا", - دەيدٸ ول.
ٸستٸڭ نەگٸزگٸ سەبەبٸ
پاۆلوۆقا قاتىستى ٸس قازاقستاننىڭ ەكٸمشٸلٸك قۇقىق بۇزۋشىلىقتار كودەكسٸنٸڭ 456-2-بابىنىڭ 4-بٶلٸمٸ بويىنشا قوزعالعان. بۇل باپ بٸر جىل ٸشٸندە ەكٸمشٸلٸك جاۋاپكەرشٸلٸككە تارتىلعان ادامعا ەكٸنشٸ رەت قولدانىلاتىن نورمانى قامتيدى.
ٸستٸڭ نەگٸزگٸ سەبەبٸ - پاۆلوۆتى بۇرىن شەگٸرتكە شابۋىلى تۋرالى حالىقارالىق دەرەكتەردٸ رەسمي ستاتيستيكامەن سالىستىرىپ جارييالاعانى ٷشٸن ايىپتاۋ. سول كەزدە جۋرناليستكە ايىپپۇل سالىنعان ەدٸ.
“نەلٸكتەن 4-بٶلٸم (ونلاين-پلاتفورما قولدانۋشىلارى) قولدانىلادى? نەگە ليتسەنزيياسى بار باققا (1-بٶلٸم) قاتىستى نورمانى قولداباي وتىر? بۇنى تٷسٸندٸرمەيدٸ. رەسمي بۇيرىقتىڭ دەرەكتەرٸ قاي جەردە جالعان دەپ ەسەپتەلەتٸنٸ دە ايتىلمايدى”, – دەدٸ بلوگەر.
پاۆلوۆ ايىپتاۋلارمەن كەلٸسپەيتٸنٸن, قۇقىق بۇزباعانىن, سونداي-اق سوتقا باق قاتىسۋىن قامتاماسىز ەتۋ ٷشٸن ٶتٸنٸش بەرەتٸنٸن مەلٸمدەدٸ.
