بەلگٸلٸ ايتىس ۇيىمداستىرۋشىسى, قازاقستاننىڭ ەڭبەك سٸڭٸرگەن قايراتكەرٸ جٷرسٸن ەرمان بٸرنەشە جىل بۇرىن دەرتكە شالدىعىپ, دەنساۋلىعى سىر بەرگەن بولاتىن. شەتەل اسىپ, ەم قابىلداپ كەلگەن اقىن قازٸرگٸ تاڭدا ارباسىن تاستاپ, اياققا تۇرعان, دەپ حابارلايدى Dalanews.kz.
بۇل تۋرالى 73 جاسقا قادام باسقان اقىن "تاڭشولپان" باعدارلاماسىنا بەرگەن سۇقباتىندا مەلٸمدەدٸ.
ونىڭ ايتۋىنشا, قازٸرگٸ تاڭدا دەنساۋلىعى جاقسارىپ قالعان.
"شەتەلگە دە, استانا مەن الماتىعا دا بارىپ ەمدەلدٸم. الماتىدا «جالىن» دەگەن زاۋىت بار ەكەن. تەك باقاناستىڭ كٷرٸشٸنٸڭ قاۋىزىنان كاپسۋلا جاساپ شىعارادى ەكەن. توعىز جىل زەرتتەپ, داۋا تاپقان ەكەن. سونىڭ باسشىسىنا بٸر شال ايان بەرٸپ, «دەرٸڭدٸ جٷرسٸن ەرمانعا اپارىپ بەر. سوعان ەم بولادى» دەپ ايتتى دەدٸ دە, ەكەلٸپ بەردٸ. سونى ٸشكەلٸ قان قىسىمىم تٷسٸپ, قان قۇرامىنان قانت ازايىپ, اياعىمدى باستىم. تاياعىما سٷيەنٸپ, ەپتەپ جٷرەمٸن. قانشا حالىق ماعان تٸلەكتەس بولىپ, ساۋلىعىمدى تٸلەدٸ. سونىڭ دا بٸر ەسەرٸ تيگەن شىعار دەپ ويلايمىن", - دەدٸ جٷرسٸن ەرمان.
ەسكە سالايىق, بٸرنەشە جىل بۇرىن ايتىس ۇيىمداستىرۋشىسى جانساقتاۋ بٶلٸمٸنە تٷسكەنٸ جايلى اقپارات تاراعان بولاتىن. كەيٸنٸرەك جٷرسٸن ەرماننىڭ قىزى ەكەسٸنٸڭ جاعدايى تۋرالى بايانداعان بولاتىن. سونىمەن قاتار اقىن ٶزٸنٸڭ ەۋروپاعا ەمدەلۋگە كەتەتٸنٸ جايلى اقپاراتتى دا راستاپ, كەيٸنٸرەك جەنەۆا قالاسىنان وقىرماندارىنا سۋرەتٸن دە جولداعان ەدٸ.
