قازاقستان بيىلعى جىلدىڭ العاشقى تٶرت ايىندا "ورتا تابىس تۇزاعىنان" قۇتىلىپ, ەكونوميكالىق قۇرىلىمىن ەرتاراپتاندىرۋ باعىتىندا ماڭىزدى قادامدار جاسادى. بۇل تۋرالى بەلگٸلٸ قارجى ساراپشىسى ايبار ولجاي مەلٸمدەدٸ, دەپ حابارلايدى Dalanews.kz.
ساراپشىنىڭ ايتۋىنشا, ەگەر ەل ەكونوميكاسى جىل سوڭىنا دەيٸن قازٸرگٸ سەرپٸندٸ قارقىنىن ساقتاپ قالسا, قازاقستان مۇناي باعاسى قۇلاعان كەزەڭنٸڭ ٶزٸندە 6 پايىزدىق ٶسٸمگە قول جەتكٸزگەن "فەنومەنالدى ەكونوميكا" رەتٸندە تانىلۋى مٷمكٸن.
"2025 جىلى قاڭتار-سەۋٸر ارالىعىندا قازاقستان ەكونوميكاسىنىڭ ٶسۋٸ 6% بولدى. ەڭ مىقتى يمپۋلستٸ كٶلٸك جەنە تاسىمال سالاسى بەرٸپ وتىر. وسى سالا 22,4 پايىزعا ٶسكەن. بٸز جاڭا تەمٸر جولدارىن پايدالانۋعا بەرۋ ارقىلى تەمٸرجولداعى جٷك تاسىمالىن جاقسى ارتتىرعانبىز. ياعني كٶبٸرەك جٷك تاسي باستادىق. بۇل ەلٸمٸزدٸڭ ترانزيتتٸك لوگيستيكالىق بيزنەستٸ جاقسى جولعا قويعانىن بايقاتادى. ونىمەن قاتار, ترانزيتتٸك قۇبىر ارقىلى شيكٸزات تاسۋدى دا جاقسى دامىتتىق", — دەيدٸ ايبار ولجاي.
ەكونوميكالىق ٶسٸمگە ەلەۋلٸ ٷلەس قوسقان تاعى بٸر سالا — قۇرىلىس. بۇل سەكتوردا ناقتى جۇمىس كٶلەمٸنٸڭ يندەكسٸ 16,2 پايىزعا ارتقان. ساراپشىنىڭ سٶزٸنشە, قۇرىلىس سالاسىنىڭ مۋلتيپليكاتيۆتٸك ەسەرٸ زور: ول وتاندىق قۇرىلىس ماتەريالدارى ٶندٸرٸسٸنە دە سەرپٸن بەرۋدە.
"قۇرىلىس توقتاپ تۇرعان جوق. كٶپتەگەن ٶڭٸرلەردە نىساندار بوي كٶتەرٸپ كەلەدٸ. قۇرىلىستىڭ مۋلتيەسەرٸ اۋقىمدى ەكەنٸن ەسكەرسەك, وسى سالانىڭ دامۋى وتاندىق ماتەريال ٶندٸرٸسٸنە دە قولداۋ كٶرسەتۋدە", - دەپ قوستى ول.
ايبار ولجاي مۇنايعا تەۋەلدٸلٸكتەن ارىلۋدىڭ باستى جولى — ٶڭدەۋ ٶنەركەسٸبٸن دامىتۋ ەكەنٸن ايتادى.
"ٶڭدەۋ سالاسىنداعى ٶسٸم 7,2% بولدى. ونىڭ ٸشٸندە تاماق ٶنٸمدەرٸن ٶڭدەۋ 12%-عا, تەمەكٸ ٶنٸمدەرٸن شىعارۋ 26,3%-عا, حيمييالىق ٶنٸمدەردٸ ٶندٸرۋ 11,2%-عا جەنە ماشينا جاساۋ 11,2%-عا ارتىپ وتىر", - دەيدٸ ول.
ساراپشى حيمييا سالاسىنداعى ٶسٸمگە ەلەمدٸك الپاۋىت Henkel كومپانيياسىنىڭ ىقپال ەتكەنٸن اتاپ ٶتتٸ. كومپانييا رەسەيدەگٸ كەڭسەسٸن قازاقستانعا كٶشٸرٸپ, قوناەۆ قالاسىنداعى زاۋىتتىڭ ٶندٸرٸستٸك قۋاتىن ۇلعايتقان.
"الپاۋىتتىڭ قوناەۆ قالاسىنداعى حيمييا زاۋىتى ٶندٸرٸستٸك قۋاتىن ارتىرىپ, قازٸرگٸ تاڭدا قازاقستاندا شىعارىلعان ٶنٸم بٷكٸل ورتالىق ازييا مەن كاۆكازدى قامتىپ وتىر", - دەيدٸ ول.
تەمەكٸ ٶندٸرٸسٸندە دە ٸرٸ جوبالار جٷزەگە اسىرىلۋدا. الماتى وبلىسىندا Philip Morris كومپانيياسى IQOS ستيكتەرٸن شىعارا باستاسا, كورەيالىق KT&G كومپانيياسى دا وسى ٶڭٸردە زاۋىت اشىپ, تولىققاندى جۇمىسقا كٸرٸستٸ.
"ولجاس بەكتەنوۆتىڭ دەۋٸرٸندە قازاقستان مۇنايعا دەگەن باسى بٷتٸن تەۋەلدٸلٸكتەن اقىرىنداپ قۇتىلا باستاعان سيياقتى. بٸز 30 جىل بويى «وسىنى نەگە ٸستەمەسكە» دەپ كەلدٸك. ەندٸ مۇناي عاسىرىنىڭ اياقتالۋىنا دەگەن دايىندىعىمىزدى جالعاستىرا بەرۋ قاجەت. جاقىن جىلدارى بٸزدٸڭ ەكونوميكالىق قۇرىلىمدا شيكٸ مۇناي ٷلەسٸن 15 پايىز دەڭگەيٸنە دەيٸن تٷسٸرە الساق, شيكٸزاتتىق باعىتتان ٶڭدەۋشٸ باعىتقا ترانسفورماتسييانى سەتتٸ اياقتادىق دەپ ەسەپتەي الامىز. بٸراق ول ٷشٸن ەلٸ كٶپ شارۋا تىندىرۋ قاجەت", — دەيدٸ ايبار ولجاي.
