قازاقستان پرەمەر-مينيسترى ولجاس بەكتەنوۆ پرەمەر-مينيستردىڭ ءبىرىنشى ورىنباسارى رومان سكليار مەن توتەنشە جاعدايلار ءمينيسترى شىڭعىس ءارىنوۆتىڭ، جەكەلەگەن وڭىرلەر اكىمدەرىنىڭ باياندامالارىن تىڭدادى، دەپ حابارلايدى Dalanews.kz.
ۇكىمەت باسشىسىنا قار مەن مۇزدىڭ كۇرت ەرۋىنە بايلانىستى جانە سۋ تاسقىنىنا قارسى جۇرگىزىلىپ جاتقان جۇمىستار اياسىندا وڭىرلەردە قالىپتاسىپ وتىرعان احۋال تۋرالى باياندالدى.
توتەنشە جاعدايلار مينيسترلىگىنىڭ مالىمەتىنشە، جۇمىستارعا جەكە قۇرامنان 2500 ادام، 700-گە جۋىق تەحنيكا، 290-نان استام سۋ ايداۋ جانە ءجۇزۋ قۇرالدارى جۇمىلدىرىلعان. جۇمىستار ءىس-قيمىل الگوريتمىنە سايكەس جۇرگىزىلۋدە. "جەدەل جەلى" تەلەفوندارى: تجم 8 717 2 70 41 14، سونىمەن قاتار وڭىرلىك بايلانىس ورتالىقتارى جۇمىسىن جالعاستىرۋدا.
الماتى، اقمولا، اقتوبە، باتىس قازاقستان، شىعىس قازاقستان، سولتۇستىك قازاقستان، قوستاناي، قاراعاندى، پاۆلودار، اباي، ۇلىتاۋ وبلىستارىندا جانە استانا قالاسىندا رەسپۋبليكالىق جانە وبلىستىق جەدەل شتابتار جۇمىس ىستەيدى.
توتەنشە جاعدايلار مينيسترلىگىنە وڭىرلەردىڭ اكىمدىكتەرىمەن بىرلەسىپ، سۋ تاسقىنىنا قارسى جۇمىستاردى جالعاستىرۋ جانە ەلدەگى احۋال تۋرالى تاۋلىك سايىن ەسەپ بەرۋ تاپسىرىلدى.
